भारत-चीन सीमेवर मोठा तणाव, भारत रशियाकडे करणार ‘ही’ महत्वाची मागणी

…म्हणून राजनाथ सिंह यांचा दौरा महत्वाचा

संरक्षण मंत्री राजनाथ सिंह तीन दिवसाच्या रशिया दौऱ्यावर गेले आहेत. भारताची तिन्ही सैन्य दले रशियाच्या विजयी परेडमध्ये सहभागी होणार आहेत. या दौऱ्याच्या निमित्ताने राजनाथ सिंह रशियाकडे तात्काळ सुट्टया भागांचा पुरवठा करण्याची मागणी करणार आहेत. भारतीय हवाई दलाच्या ताफ्यातील फायटर विमाने आणि भारतीय लष्कराच्या मुख्य रणगाडयांसाठी सुट्टया भागांची आवश्यकता आहे. या सुट्टया भागांचा तात्काळ पुरवठा करण्याची मागणी रशियाकडे केली जाणार आहे.

पूर्व लडाखमधील गलवान खोऱ्यातील संघर्षानंतर भारत आणि चीन दोन्ही देशांमध्ये तणाव मोठया प्रमाणात वाढला आहे. चीनला लागून असलेल्या ३,४८८ किलोमीटरच्या सीमारेषेवर दोन्ही देशांनी सैन्य तैनाती केली आहे. हवाई मार्गाने लवकरात लवकर हे सुट्टे भाग आणि उपकरणे पोहोचवण्याची विनंती रशियाला करण्यात येणार आहेत. उद्या वेळ आली आणि गरज पडली तर या उपकरणांचा वापर करण्यात येईल. इंडिया टुडेने हे वृत्त दिले आहे.

सीमेवर चीनच्या कुठल्याही आगळीकीला चोख प्रत्युत्तर देण्यासाठी भारताने सर्व सज्जता ठेवली आहे. सैन्य तुकडयांच्या तैनातीबरोबर आणि युद्धसाहित्यही वापरासाठी तयार आहे. सुखोई-३० एमकेआय आणि टी-९० रणगाडयासाठी सुट्टया भागांची आवश्यकता आहे. उद्या गेमचेंजर ठरु शकतील अशी ही भारताची दोन महत्वाची शस्त्रे आहेत. समुद्र मार्गाने हे सुट्टे भाग पोहोचवले जातात. पण सध्याची परिस्थिती लक्षात घेता तात्काळ विमानाने हे भाग पोहोचवण्याची भारताची मागणी आहे.

भारत आणि रशियामध्ये घनिष्ठ मैत्री आहेच. पण रशियाने सुरुवातीपासूनच संरक्षण क्षेत्रात भारताला मोठे सहकार्य केले आहे. भारताच्या ताफ्यातील बहुतांश शस्त्रास्त्रे ही रशियन बनावटीची आहेत. त्यामुळे यांच्या सुट्टया भागांसाठी भारताला रशियाची गरज लागते. एस-४०० सिस्टिमही लवकरात लवकर मिळवण्याचे भारताचे प्रयत्न आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: India to seek russias help for urgent supply of spares for fighter aircraft fleet dmp

ताज्या बातम्या