देशवासियांनो सावधान, करोनाबाधितांची संख्या कमी झाली तरी मृत्यूंची संख्या मात्र धडकी भरवणारी!

गेल्या २४ तासांमध्ये देशात ४०००हून अधिक मृत्युंची नोंद झाली आहे.

covid 19 death
प्रातिनिधिक छायाचित्र छायाचित्र। पीटीआय

भारतात गेल्या २४ तासांमध्ये २ लाख ५९ हजार ५५१ नव्या बाधितांची नोंद झाली तर मृतांचा आकडा आजही ४०००च्या पार गेला आहे. आज देशातल्या उपचाराधीन रुग्णांच्या संख्येत एक लाखाची घट झाली आहे. त्यामुळे देशातल्या एकूण बाधितांची संख्या आता ३० लाख २७ हजार ९२५वर पोहोचली आहे.

देशात करोनाबाधितांची सर्वाधिक संख्या तमिळनाडू राज्यात नोंदवण्यात आली. गेल्या २४ तासात तमिळनाडूमध्ये ३५हजार ५७९ नव्या बाधितांची नोंद झाली. तर त्याखालोखाल म्हणजे ३० हजार ४९१ नवे बाधित केरळमध्ये आढळून आले. या रांगेत महाराष्ट्र तिसऱ्या क्रमांकावर आहे.

महाराष्ट्रात गेल्या २४ तासांमध्ये २९ हजार ९११ नव्या बाधितांची नोंद झाली तर कर्नाटकात २८हजार ८६९ नवे बाधित आढळले. आंध्रप्रदेशातला गेल्या २४ तासातला बाधितांचा आकडा २२ हजार ६१० वर पोहोचला आहे. देशातल्या एकूण दैनंदिन बाधितांपैकी ५६.८१ टक्के बाधित हे या पाच राज्यांमधले आहेत. तर एकट्या तमिळनाडूमधली रुग्णसंख्या देशातल्या रुग्णसंख्येच्या १३.७१ टक्के आहे.

मृत्युची आकडेवारी लक्षात घेतली तर गेल्या २४ तासात सर्वाधिक मृत्यू महाराष्ट्रात झाले आहेत. राज्यात ९८४ मृत्यू केवळ एका दिवसात नोंदवण्यात आले. तर त्या खालोखाल कर्नाटकात ५४८ मृत्युंची नोंद झाली. तर दिल्लीतला करोनाची लागण होण्याचा दर पाच टक्क्यांच्या आसपास आहे तर मुंबईतला करोनाची लागण होण्याचा दर १० टक्क्यांच्या खाली आला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Indias daily covid deaths cross 4000 yet again active cases down by 1 lakh vsk

Next Story
पेट्रोल, डिझेल, एलपीजी दरात पुढील आठवडय़ात वाढ?
ताज्या बातम्या