Anti Hijab Protests: हे तर अमेरिका, इस्रायलचं षडयंत्र; इराणच्या सर्वोच्च नेत्याचा दावा | Iran supreme leader Ayatollah Ali Khamenei comments on mahsa amini death row | Loksatta

Anti Hijab Protests: हे तर अमेरिका, इस्रायलचं षडयंत्र; इराणच्या सर्वोच्च नेत्याचा दावा

इराणमध्ये पोलीस कोठडीत तरुणीचा संशयास्पद मृत्यू झाल्यानंतर इराणमध्ये सध्या अशांतता पसरली आहे.

Anti Hijab Protests: हे तर अमेरिका, इस्रायलचं षडयंत्र; इराणच्या सर्वोच्च नेत्याचा दावा
अयातुल्ला खामेनी (फोटो- इंडियन एक्स्प्रेस)

इराणमध्ये पोलीस कोठडीत तरुणीचा संशयास्पद मृत्यू झाल्यानंतर इराणमध्ये अशांतता पसरली आहे. इराणमधील युवक, तरूणी तसेच सामाजिक कार्यकर्ते रस्त्यावर उतरले असून मोरॅलिटी पोलीस आणि इराण प्रशासनाविरोधात निदर्शनं केली जात आहेत. दरम्यान, मागील तीन आठवड्यांपासून सुरु असलेल्या या आंदोलनावर इराणमधील सर्वोच्च नेते अयातुल्ला अली खामेनी यांनी पहिल्यांदाच प्रतिक्रिया दिली आहे. इराणच्या अशांततेमागे अमेरिका आणि इस्त्रायलचं षडयंत्र आहे, असे खामेनी म्हणाले आहेत.

हेही वाचा >>> मुलायमसिंह यादव यांची प्रकृती खालावली; ICU मधून आता CCU मध्ये केलं दाखल

इराणमध्ये काही दिवसांपूर्वी २२ वर्षीय महिला महसा अमिनी यांचा मोरॅलिटी पोलिसांच्या कोठडीत असताना मृत्यू झाला होता. हिजाब योग्य पद्धतीने परिधान न केल्यामुळे महसा अमिनी यांच्यावर ही कारवाई करण्यात आली होती. त्यांच्या मृत्यूनंतर इराणमध्ये सर्वत्र अशांतता पसरली असून मागील तीन आठवड्यांपासून नागरिक रस्त्यावर उतरले आहेत. अनेक ठिकाणी जाळपोळ केली जात आहे. या आंदोलनात अनेक नागरिकांचा मृत्यूही झाला आहे. इराणमधील या परिस्थितीवर तेथील सर्वोच्च नेते अयातुल्ला खामेनी यांनी सोमवारी (३ ऑक्टोबर) पहिल्यांदाच प्रतिक्रिया दिली आहे. त्यांनी इराणमधील अशांततेस अमेरिका आणि इस्त्रायलला जबाबदार धरले आहे. तसेच महसा अमिनी यांच्या मृत्यूची घटना खेदजनक असून ती एक दु:खद घटना आहे, असे अयातुल्ला म्हणाले आहेत.

हेही वाचा >>> शेतात विवस्र आढळलेल्या मुलीचा मृतदेह घेऊन पोलिसांनी काढला पळ, ‘यूपी’तील घटनेचा धक्कादायक VIDEO

इराणमधील दंगली या नियोजित होत्या. या दंगलींचे नियोजन अमेरिका आणि इस्त्रायल या देशांनी केले आहे. मशिदी, बँका, पोलिसांची वाहने यांना आग लावून देणे हे अनैसर्गिक असल्याचेही अयातुल्ला खान म्हणाले आहेत. विशेष म्हणजे अयातुल्ला खान यांच्याप्रमाणेच येथील प्रशासकीय अधिकाऱ्यांनीही अन्य देशांना तसेच विरोधकांना जबाबदार धरले आहे.

हेही वाचा >>> स्वांते पाबो यांना वैद्यकीय क्षेत्रातील नोबेल पारितोषिक जाहीर; कोण आहेत स्वांते पाबो? जाणून घ्या

दरम्यान, महसा अमिनी या महिलेचा मृत्यू झाल्यानंतर येथे सुरू असलेल्या आंदोलनात आतापर्यंत ९ आंदोलकांचा मृत्यू झाला आहे. राजधानी तेहरानमध्ये अजूनही आंदोलन सुरूच आहे. काही ठिकाणी दंगली होत असून पोलिसांना बळाचा वापर करावा लागत आहे. ज्या भागात आंदोलन आणि दंगलीच्या घटना घडत आहेत, तेथे इंरटनेट आणि सोशल मीडिया अॅप्स बंद करण्यात आले आहेत.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मुलायमसिंह यादव यांची प्रकृती खालावली; ICU मधून आता CCU मध्ये केलं दाखल

संबंधित बातम्या

‘I Have Got News’, श्रद्धाचं शेवटचं चॅट आलं समोर, मृत्यूच्या काही तास आधीच मित्राला पाठवला होता मेसेज
“पंडित नेहरू हनीट्रॅपमध्ये अडकले होते” स्वातंत्र्यवीरांचे नातू रणजीत सावरकरांचा खळबळजनक दावा
डेटिंग अॅपवरील बॉयफ्रेंडला भेटायला 5 हजार किमीचा प्रवास; अवयवांच्या विक्रीसाठी त्यानं केली तिची हत्या
Shraddha Murder Case: मृतदेहाचे तुकडे करण्यासाठी आफताब पूनावालाने एक, दोन नव्हे तर…; तपासात धक्कादायक खुलासा
VIDEO: ‘मालिश’नंतर सत्येंद्र जैन यांचा आणखी एक व्हिडीओ समोर, तुरुंग अधिक्षकांच्या भेटीचं सीसीटीव्ही फुटेज व्हायरल

व्हिडिओ

ताज्या बातम्या
Gujarat Election 2022: अहमदाबादमधून अमित शाह नावाच्या व्यक्तीला भाजपाकडून उमेदवारी
वादग्रस्त ट्वीटप्रकरणी रिचा चड्ढाविरुद्ध कारवाईची तयारी; मध्य प्रदेशच्या गृहमंत्र्यांकडून माहिती
‘म्हाडा’ची ४६७८ घरांसाठी पुढील आठवडय़ात सोडत 
कर्तव्यपालनास प्राधान्य द्या!; संविधानदिनी पंतप्रधान मोदींचे आवाहन
Shraddha Walker murder case: पोलिसांना डीएनए चाचणी अहवालाची प्रतीक्षा