scorecardresearch

Premium

इसिसचा नेता अबू बक्र अल बगदादीवर जेवणातून विषप्रयोग

विषप्रयोगामुळे अल बगदादीची प्रकृती गंभीर

loksatta, marathi news paper, news paper, news online, marathi news, marathi news online, newspaper, news, latest news in marathi, current news in marathi,sport news in marathi, bollywood news in marathi
Abu Bakr al Baghdadi : अबू बक्र अल बगदादी

इसिस या दहशतवादी संघटनेचा नेता अबू बक्र अल बगदादी याच्यावर एका मारेकऱ्याकडून विषप्रयोग करण्यात आल्याची माहिती समोर आली आहे. या विषप्रयोगामुळे अल बगदादीची प्रकृती गंभीर असून त्याला सध्या सुरक्षित स्थळी हलविण्यात आले आहे. ‘डेली मेल’च्या वृत्तानुसार, सीरियन सीमेवरच्या निनेवेह जिल्ह्य़ातील अल बाज येथे जेवणातून अल बगदादी आणि इसिसच्या तीन कमांडर्सवर विषप्रयोग झाला. या चौघांवरही विषाचा गंभीर परिणाम झाला असून त्यांची प्रकृती गंभीर आहे. या सर्व प्रकारानंतर इसिसकडून जेवणात विष कालवणाऱ्यांचा शोध घेतला जात आहे. विषप्रयोग झालेल्या तीन कमांडर्सची ओळख अजूनपर्यंत उघड करण्यात आलेली नाही. दरम्यान, या प्रकारानंतर सर्वांना सुरक्षिततेसाठी अज्ञातस्थळी हलविण्यात आले आहे.
अबू बक्र अल बगदादीचे नाव यापूर्वीही अनेकदा चर्चेत आले आहे. अनेकदा हवाई हल्ल्यांमध्ये अल बगदादी मृत्यू झाल्याच्या अफवा पसरल्या होत्या. मात्र, प्रत्येकवेळी तो सुखरूप असल्याचे स्पष्ट झाले होते. हा इराकी जिहादी नेता वयाच्या चाळिशीचा होता व त्याला पकडण्यासाठी अमेरिकने १ कोटी डॉलरचे इनाम लावले होते. इसिसची सूत्रे २०१० मध्ये त्याने घेतली व त्याने अल काईदाच्या स्थानिक शाखेचे रूपांतर आंतरखंडीय दलात केले व स्वत:ला जिहादी समुदायाचा नेता घोषित केले. अबू बकर अल बगदादी याला अमेरिकी व इराकी दलांनी २००४ मध्ये फालुजाह येथे अटक केली पण नंतर सोडून दिले होते. २ मे २०११ रोजी ओसामा बिन लादेन या अल काईदाच्या अतिरेक्याचा अमेरिकी कारवाईत मृत्यू झाल्यानंतर अल बगदादी याने लादेनची स्तुती करून त्याच्या मृत्यूचा बदला घेण्याची प्रतिज्ञा केली होती.
त्यानंतर त्याने दक्षिण बगदादमध्ये हल्ला करून २४ पोलिसांना ठार केले. १५ ऑगस्ट २०११ रोजी त्याने आत्मघाती दले तयार करून आयएसआयच्या मदतीने मोसुल येथे ७० जणांचा बळी घेतला. २२ डिसेंबर २०११ रोजी बगदादमध्ये हल्ला करून ६३ जणांना ठार केले. २९ जून २०१४ रोजी त्याने इसिस ही संघटना स्थापन केली त्याचे नाव इस्लामिक स्टेट ऑफ इराक अँड द लेव्हंट असे आहे.

Video:"असा चहा पिऊनचं जीव जाईल" महिलेने मच्छी टाकून बनवला फक्कड चहा; Video नेटकरी संतापले
“असा चहा बघूनच जीव जाईल” महिलेने चक्क मच्छी टाकून बनवला फक्कड चहा; Video वर चहाप्रेमींचा संताप
Chandrayaan 3 Update To Finish As Sun Sets On Moon Surface Vikram Pragyan sleep What Will Happen To mission by ISRO
चंद्रावर सूर्यास्त! Chandrayaan-3 विषयी मोठी अपडेट, ‘विक्रम’-‘प्रज्ञान’ला जाग आली का? मोहिमेचं पुढे काय होणार?
Budhaditya and Bhadra Rajayog
बुधादित्य आणि भद्र राजयोग एकत्र बनल्याने ‘या’ राशींना सोन्याचे दिवस? व्यवसायात नफा मिळून होऊ शकते उत्पन्नात वाढ
wedding dresses
लग्नांच्या पोशाखात ‘पेस्टल’ रंगच ‘हिट’!

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Isis chief abu bakr al baghdadi ill after assassin poisons food report

First published on: 04-10-2016 at 12:57 IST

संबंधित बातम्या

मराठी कथा ×