दुबई : इस्रायलने प्रमुख लष्करी हवाईतळ आणि आण्विक स्थळ असलेल्या इराणच्या मध्य इस्फान शहरावर शुक्रवारी ड्रोन हल्ला केला. प्रत्युत्तरादाखल इराणनेही इस्रायलच्या तीन ड्रोनना लक्ष्य केले. या ताज्या घडामोडींमुळे दोन्ही देशांतील तणाव टोकाला पोहोचला असून पश्चिम आशियावर युद्धाचे ढग जमू लागले आहेत.

इराणमधील इस्फान शहराच्या अवकाशात शुक्रवारी पहाटे काही स्फोटांचे आवाज ऐकू आले. सूत्रांनी इस्रायलने इराणवर ड्रोन हल्ला केल्याचे म्हटले असले तरी इराणने मात्र त्याला फारसे महत्त्व दिलेले नाही. तथापि, इराणने इस्रायलच्या ड्रोनला लक्ष्य करणारी संरक्षणप्रणाली सज्ज केल्याचे वृत्त काही वृत्तसंस्थांनी दिले आहे. या घडामोडींच्या  पार्श्वभूमीवर इराणच्या महत्त्वाच्या शहरांतील विमानांची उड्डाणे काही काळासाठी स्थगित करण्यात आली आहेत. तर एअर इंडियाने इस्रायलची राजधानी तेलअवीव दरम्यानची विमान सेवा ३० एप्रिलपर्यंत स्थगित करण्याची घोषणा शुक्रवारी केली.

Amit shah on ucc
“देश शरियावर चालवायचा का?” UCC ला विरोध करणाऱ्यांना अमित शाहांचा थेट प्रश्न, म्हणाले, “अनेक मुस्लिम देश…”
supreme court rejected plea of dhangar community
धनगर आरक्षण याचिका फेटाळली; आदिवासींचा दर्जा देण्याच्या मागणीस न्यायालयाचा नकार
dgca fines air india rs 30 lakh after death of elderly passenger due to lack of wheelchair
इस्रायलमधील परिस्थिती चिघळली? तेल अवीवला जाणारी एअर इंडियाची सेवा पुन्हा स्थगित!
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
Amit Shah on ajit pawar
भाजपाला साथ दिल्यानंतर अजित पवारांच्या चौकशा का थांबल्या? अमित शाह म्हणाले, “आम्ही आमचं काम…”
Neha Hiremath Murder Fayaz Karnataka
“त्याला अशी शिक्षा…”, नेहाचा खून करणाऱ्या फयाजच्या वडिलांची संतप्त प्रतिक्रिया
lok sabha election 2024 phase 1 of lok sabha polls registers 62.37percent polling despite heatwave
६२.३७ टक्के मतदान; पहिल्या टप्प्यात २०१९ पेक्षा ७ टक्के मतांची घसरण; त्रिपुरात सर्वाधिक
devendra fadnavis uddhav thackeray
“अमित शाह तुला म्हणाले दोन मोठी…”, उद्धव ठाकरेंनी फडणवीसांचा एकेरी उल्लेख करत सांगितलं शहांच्या मातोश्री भेटीवेळी काय घडलं?

हेही वाचा >>> अल्पवयीन बलात्कारपीडितेची गर्भपातासाठी याचिका; सर्वोच्च न्यायालयाचे तातडीने, वैद्यकीय तपासणीचे निर्देश

इराणच्या लष्करी अधिकाऱ्याने इस्रायलच्या हल्ल्याची शक्यता फेटाळून लावली, तर दुसरीकडे इस्रायली सैन्यानेही त्याबाबत कोणतेही भाष्य अद्याप केलेले नाही. अमेरिकेच्या लष्करी अधिकाऱ्यांनीही इस्रायलच्या इराणवरील कथित हल्ल्यासंदर्भात प्रतिक्रियेस नकार दिला असला तरी अमेरिकी ब्रॉडकास्ट नेटवर्कने मात्र एका लष्करी अधिकाऱ्याच्या हवाल्याने इराणवर इस्रायलनेच हल्ला केल्याचे वृत्त दिले आहे. या हल्ल्यात कोणतीही हानी झालेली नाही.  

इस्रायलने सीरियातील इराणच्या दूतावासावर हल्ला केल्यानंतर आणि इराणने इस्रायलवर क्षेपणास्त्र, ड्रोन हल्ला केल्यानंतर दोन्ही देशांतील तणाव दिवसेंदिवस वाढत आहे. त्यामुळे पश्चिम आशिया युद्धाच्या छायेत असल्याची भीती व्यक्त करण्यात येत आहे.

जी-७ देशांचा इशारा

जेरुसलेम : जी-७ राष्ट्रांनी इराणवर नवे निर्बंध लादण्याचा इशारा दिला. इराणने इस्रायली ड्रोनला लक्ष्य केल्याच्या पार्श्वभूमीवर हा इशारा देण्यात आला आहे. तसेच दोन्ही देशांनी आपआपसातील तणाव वाढणार नाही, याची दक्षता घ्यावी, असा सल्लाही जी-७ देशांनी दिला आहे.

एअर इंडियाची वाहतूक स्थगित

नवी दिल्ली : पश्चिम आशियातील वाढत्या युद्धजन्य तणावाच्या पार्श्वभूमीवर एअर इंडियाने इस्रायलची राजधानी तेल अवीवदरम्यानची विमानसेवा ३० एप्रिलपर्यंत स्थगित ठेवण्याचा निर्णय घेतला आहे. दिल्ली आणि तेल अवीवदरम्यान दर आठवडयाला चार विमानसेवा चालवण्यात येतात, अशी माहिती एअर इंडियाच्या प्रवक्त्याने दिली.