scorecardresearch

Premium

इस्रायलचे दक्षिण गाझामध्ये कारवाईचे संकेत- पॅलेस्टिनींना स्थलांतर करण्याचे आदेश

या रुग्णालयात काही बंदुका सापडल्याचा दावा इस्रायलकडून करण्यात आला.

Israel signals action in southern gaza orders palestinians to evacuate
(संग्रहित छायाचित्र)

खान युनिस, वृत्तसंस्था

इस्रायली सैन्याने दक्षिण गाझामध्ये पत्रके टाकून पॅलेस्टिनींना तो भाग सोडून जाण्यास सांगितले असल्याची माहिती तेथील रहिवाशांनी गुरुवारी दिली. यामुळे इस्रायल आता दक्षिण गाझामध्ये लष्करी कारवाईचा विस्तार करण्याची शक्यता वर्तवली जात आहे. दरम्यान, इस्रायलच्या फौजांनी उत्तर गाझामधील अल-शिफा या सर्वात मोठय़ा रुग्णालयात शोध मोहीम गुरुवारीदेखील सुरू ठेवली. या रुग्णालयात काही बंदुका सापडल्याचा दावा इस्रायलकडून करण्यात आला. मात्र, रुग्णालयाच्या खाली हमासचा तळ असल्याच्या दाव्याच्या पुष्टय़र्थ त्यांनी कोणतेही पुरावे अद्याप दिलेले नाहीत. रुग्णालयाच्या अधिकाऱ्यांनी हे आरोप फेटाळले आहेत.

delivery boy was robbed pune
पुणे : कोयत्याच्या धाकाने डिलिव्हरी बॉयला लुटले
20 vacant air India buildings demolished by airport administration despite residents oppose
एअर इंडियाच्या रिकाम्या वीस इमारती पाडल्या; रहिवाशांचा विरोध असतानाही विमानतळ प्रशासनाकडून पाडकाम
Maratha survey Buldhana district
मराठा सर्वेक्षण ठरतंय अडथळ्याची शर्यत! आठवड्यात साडेसहा लाख घरांपर्यंत पोहोचण्याचे आव्हान; आयोगाच्या सदस्या बुलढाण्यात मुक्कामी
Mumbai Highcourt
“मग मुंबईचे रस्ते बंद करावेत का?”, कर्मचाऱ्यांना मराठा आरक्षण सर्वेक्षणात जुंपल्याने HC ने मुंबई पालिकेला फटकारले

इस्रायलने दक्षिण गाझामध्ये लष्करी कारवाई वाढवल्यास तेथील मानवतावादी संकट अधिक तीव्र होण्याची भीती आहे. या भागात इस्रायली सैन्याकडून रोज हवाई हल्ले केले जात आहेत. जमिनीवरील लढाईमुळे परिस्थिती अधिक बिकट होऊ शकते.

हेही वाचा >>> विश्लेषण: गर्भपाताचा हक्क अबाधित राखण्याच्या दृष्टीने अमेरिकेतील घडामोडी महत्त्वाच्या का?

गाझामध्ये आजार, भूक यांचे संकट अटळ

युद्धामुळे गाझा पट्टीमध्ये संसर्गजन्य आजार आणि भूक यांचे संकट अटळ असल्याचा इशारा संयुक्त राष्ट्रांच्या मानवाधिकार संघटनेचे अध्यक्ष वोल्कर टर्क यांनी गुरुवारी दिला. गाझामध्ये इंधन संपुष्टात आल्यास सांडपाण्याची व्यवस्था कोसळणे, आरोग्य व्यवस्था कोलमडणे आणि सध्या तुरळक प्रमाणात वितरित होणाऱ्या मदतसामग्रीचा पुरवठा पूर्णपणे थांबणे अशी संकटे ओढवतील असे टर्क म्हणाले.

रुग्णालयांमधील रुग्णांना वाचवण्याचे आव्हान अल-शिफा रुग्णालयात इस्रायली फौजा शिरल्यानंतर तिथे अडकलेल्या रुग्णांच्या सुरक्षिततेबद्दल चिंता वाढली आहे. रुग्णालयातून लहान बाळांसह रुग्णांना दुसरीकडे हलवणे धोकादायक असल्याचा इशारा तज्ज्ञांनी दिला आहे. केवळ वैद्यकीय सामग्रीचा पुरवठा करून रुग्णांना वाचवता येणार नाही, धुमश्चक्री सुरू असताना त्यांना सुरक्षितपणे दुसरीकडे सुखरूपपणे नेता येणार नाही असे आरोग्य अधिकाऱ्यांनी स्पष्ट केले आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Israel signals action in southern gaza orders palestinians to evacuate zws

First published on: 17-11-2023 at 04:34 IST

संबंधित बातम्या

तुम्ही या बातम्या वाचल्या आहेत का? ×