नारायणपूर : छत्तीसगडच्या नारायणपूर जिल्ह्यात नक्षलवाद्यांनी सोमवारी घडवून आणलेल्या आयईडीच्या दोन स्फोटांत भारत- तिबेटियन सीमा पोलिसांचा (आयटीबीपी) एक अधिकारी शहीद, तर दोन जवान जखमी झाले.

आयटीबीपीच्या ५३व्या बटालियनचे एक पथक रस्ते बांधकामाची सुरक्षा सुनिश्चित करण्यासाठी गस्तीवर असताना दोंद्रीबेडा व सोनापूर खेडय़ांदरम्यान यापैकी एक घटना सकाळी साडेआठच्या सुमारास घडली. गस्ती पथक जंगलाच्या एका भागाला वेढा घालत असताना त्यांचा प्रेशर आयईडीशी संबंध येऊन स्फोट झाला. यात उत्तराखंडच्या टिहरीचे रहिवासी असलेले सहायक उपनिरीक्षक राजेंद्र सिंह शहीद झाले, तर शिपाई महेश जखमी झाला, अशी माहिती बस्तर परिक्षेत्राचे पोलीस महानिरीक्षक सुंदरराज पी. यांनी दिली. दुसऱ्या घटनेत, छोटेडोंगर पोलीस ठाण्याच्या हद्दीत दुपारी साडेबाराच्या सुमारास प्रेशर आयईडीच्या संपकार्त येऊन छत्तीसगड सशस्त्र पोलिसांचा शिपाई भीमा सोयाम हा  जखमी झाल्याचे सुंदरराज यांनी सांगितले. आधी छोटेडोंगरच्या प्राथमिक आरोग्य केंद्रात उपचार करण्यात आल्यानंतर त्याला हवाई रुग्णवाहिकेने रायपूरला नेण्यात आले असून त्याची प्रकृती धोक्याबाहेर आहे.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
Sale of pistol by prisoner
पुणे : जन्मठेपेची शिक्षा भोगणाऱ्या कैद्याकडून पिस्तूल विक्री; पिस्तुलासह तीन काडतुसे जप्त
Danger from electric wires on footpaths Inexcusable negligence of the Municipal Corporation after entrusting the work to the contractors navi Mumbai
पदपथांवरील विद्युत तारांमुळे धोका; कंत्राटदारांकडे काम सोपवल्यावर महापालिकेचे अक्षम्य दुर्लक्ष
meetings between ola uber companies and cab drivers
ओला, उबरचा तिढा सुटेना! कॅबचालक भाडेवाढीच्या मागणीवर ठाम; जिल्हाधिकाऱ्यांच्या बैठकीकडे लक्ष