सलमान रश्दींवरील प्राणघातक हल्ल्यानंतर आता जे. के. रोलिंग यांना जीवे मारण्याची धमकी | j k rowling writer of harry potter book received death threats for condemning salman rushdie attack | Loksatta

सलमान रश्दींवरील प्राणघातक हल्ल्यानंतर आता जे. के. रोलिंग यांना जीवे मारण्याची धमकी

लेखक सलमान रश्दी यांच्यावरील हल्ल्यानंतर आता जगप्रसिद्ध लेखिका जे के रोलिंग यांना जीवे मारण्याची धमकी देण्यात आली आहे.

सलमान रश्दींवरील प्राणघातक हल्ल्यानंतर आता जे. के. रोलिंग यांना जीवे मारण्याची धमकी
जे के रोलिंग (फोटो- इंडियन एक्स्प्रेस)

लेखक सलमान रश्दी यांच्यावरील हल्ल्यानंतर आता जगप्रसिद्ध लेखिका जे के रोलिंग यांना जीवे मारण्याची धमकी देण्यात आली आहे. रश्दी यांच्यावर करण्यात आलेल्या हल्ल्याच्या निषेधार्थ त्यांनी ट्वीट केले होते. या ट्वीटला उत्तर म्हणून एका ट्विटर युजरने घाबरू नका यानंतर तुमचा नंबर आहे, असे म्हणत जीवे मारण्याची धमकी दिली आहे. जे के रोलिंग यांनी धमकी देणाऱ्या या संदेशाचा स्क्रीनशॉट सोशल मीडियावर शेअर केला आहे. जे के रोलिंग हॅरी पॉटर या जगप्रसिद्ध पुस्तकाच्या लेखिका आहेत.

हेही वाचा >> भारताचे ‘वॉरन बफे’ अशी ओळख असलेल्या राकेश झुनझुनवालांचे निधन

जे के रोलिंग यांनी सलमान रश्दी यांच्यावर झालेल्या हल्ल्याचा निषेध करणारे ट्वीट केले होते. तसेच रश्दी लवकरच बरे व्हावेत अशी अपेक्षा व्यक्त केली होती. याच ट्वीटला उत्तर म्हणून एका ट्विटर वापरकर्त्याने घाबरू नका यानंतर तुमचाच नंबर आहे, असे ट्वीट केले. ज्या ट्विटर खात्यावरून रोलिंग यांना जीवे मारण्याची धमकी देण्यात आली आहे, त्याच खात्यावरून रश्दी यांच्यावर हल्ला करणाऱ्या हादी मातर या हल्लेखोराचे कौतुक करण्यात आलेले आहे. रश्दी यांच्यावरील हल्ल्यानंतर आता जे के रोलिंग यांना धमकीचा संदेश मिळाल्यामुळे चिंता व्यक्त केली जातेय.

हेही वाचा >> भारताने आक्षेप घेतलेल्या चिनी जहाजाला अखेर श्रीलंकेची परवानगी

शुक्रवारी पश्चिम न्यूयॉर्कमधील साहित्य विषय़क कार्यक्रमादरम्यान रश्दी यांच्यावर हल्ला झाल्यानंतर त्यांना रुग्णालयात दाखल करण्यात आले होते. सध्या त्यांच्यावर उपचार सुरू आहे. मिळालेल्या माहितीनुसार त्यांच्या यकृताला इजा पोहोचली असून त्यांना एका डोळादेखील गमावावा लागण्याची शक्यता आहे.

हेही वाचा >> देशभर उत्साहरंग; ‘घरोघरी तिरंगा’ मोहिमेला दिमाखात प्रारंभ, शोभायात्रांसह विविध कार्यक्रमांचे आयोजन

दरम्यान हादी मातर या हल्लेखोराविरोधात हत्येचा प्रयत्न, प्राणघातक हल्ला या आरोपांखाली गुन्हा दाखल करण्यात आला असून न्यूयॉर्क पोलिसांकडून या प्रकरणाची चौकशी सुरू आहे. रश्दी यांच्या ‘द सॅटॅनिक व्हर्सेस’ या पुस्तकावर भारतासह इराण तसेच काही मुस्लीम राष्ट्रांमध्ये बंदी आहे. या पुस्तकात ईशनिंदा करण्यात आल्याचा आरोप आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Rakesh Jhunjhunwala Death: भारताचे ‘वॉरन बफे’ अशी ओळख असलेल्या राकेश झुनझुनवालांचे निधन

संबंधित बातम्या

Gujarat Election Results 2022 Live : भाजपाला १३५ ते १४५ जागा निश्चितपणे मिळणार, हार्दिक पटेल यांचा दावा, वाचा गुजरात विधानसभा निवडणूक निकालाची प्रत्येक अपडेट…
HP Election Results 2022 Live : हिमाचल प्रदेशमध्ये भाजपा पिछाडीवर, काँग्रेसची २३ जागांवर आघाडी
“हिंमत असेल तर श्रद्धाच्या मृतदेहाचे तुकडे शोधा”, आफताबचं पोलिसांना खुलं आव्हान, खूनाचं कारणही सांगितलं
राज्य सरकारी कर्मचाऱ्यांचे वेतन ‘कर्णाटक बँके’तून!
दिल्ली पालिकेत ‘आप’ची सत्ता; भाजपची १५ वर्षांची राजवट संपुष्टात, काँग्रेस आणखी क्षीण

व्हिडिओ

ताज्या बातम्या
अक्षय कुमार नाही तर ‘हे’ अभिनेते आहेत सर्वाधिक मानधन घेणारे भारतीय कलाकार
मुंबईः विलेपार्ले येथे ७४ वर्षांच्या वयोवृद्ध महिलेची मुलाकडून हत्या; मृतदेह माथेरानच्या दरीत फेकून पुरावा नष्ट करण्याचा प्रयत्न
विश्लेषण: उपांत्यपूर्व फेरीतून कोणते संघ करणार आगेकूच? फ्रान्स, अर्जेंटिना, ब्राझील…?
‘केजीएफ’ फेम अभिनेत्याचे निधन, ‘रॉकी’बरोबर साकारलेली महत्त्वाची भूमिका
सीमावाद: “मोदींच्या मध्यस्थीने युक्रेन-रशिया युद्ध थंडावले, मग…”; ‘बोम्मई पिसाळलेल्या कुत्र्याप्रमाणे भुंकतात’ असं म्हणत सेनेचा टोला