Jacqueline Fernandez granted interim bail : बॉलिवूड अभिनेत्री जॅकलिन फर्नांडिसला आज दिल्लीच्या पटियाला हाऊस न्यायालयाने ५० हजार रुपयांच्या जातमुचलक्यावर अंतरिम जामीन मंजूर केला आहे. कथित आरोपी सुकेश चंद्रशेखरशी संबंधित २०० कोटी रुपयांच्या खंडणी प्रकरणात जॅकलिनला आरोपी म्हणून न्यायालयात हजर केलं होतं. सक्तवसुली संचालनालयाने ‘प्रिव्हेन्शन ऑफ मनी लाँडरिंग अॅक्ट’ नुसार सुकेश चंद्रशेखरवर गुन्हा दाखल केला होता. याप्रकरणी ईडीने जॅकलिन फर्नांडिसला आरोपी करत अलीकडेच न्यायालयात पुरवणी आरोपपत्र दाखल केलं होतं.

या आरोपपत्राची दखल घेत न्यायालयाने जॅकलिनला २६ सप्टेंबर रोजी हजर राहण्यास सांगितले होते. २०० कोटी रुपयांच्या खंडणी प्रकरणात चौकशी करण्यासाठी दिल्ली पोलिसांनी जॅकलिनला दोनदा चौकशीसाठी बोलावले आहे. मनी लॉंडरिंगप्रकरणातील आरोपी सुकेश चंद्रशेखरकडून जॅकलिनने कोट्यवधींच्या भेटवस्तू स्वीकारल्याचा आरोप तिच्यावर आहे. आरोपी सुकेश सध्या तिहार तुरुंगात आहे.

Sajjad lone baramulla loksabha
Loksabha Election: बारामुल्लामधून पीपल्स कॉन्फरन्सचे अध्यक्ष निवडणुकीच्या रिंगणात; कोण आहेत सज्जाद लोन?
T Raja Singh Thakur
भाजप आमदार टी. राजसिंग ठाकूर यांच्या मिरारोडमधील मिरवणुकीला परवानगी, द्वेषपूर्ण भाषण न करण्याच्या हमीवर उच्च न्यायालयाकडून परवानगी
Will Julian Assange be extradited to the America What will be the next action
ज्युलियन असांज यांचे अमेरिकेत प्रत्यार्पण होणार का? पुढील कारवाई काय असेल?
family members at Hyderabad airport
१८ वर्ष दुबईच्या तुरुंगात घालविल्यानंतर पाच भारतीय नागरिक परतले; कुटुंबियांच्या डोळ्यात आनंदाश्रू

गेल्या आठवड्यात दिल्ली पोलिसांच्या आर्थिक गुन्हे शाखेनं जॅकलिन फर्नांडिसच्या स्टायलिस्ट लीपाक्षी इलावाडी यांची सुमारे आठ तास चौकशी केली. या चौकशीदरम्यान लीपाक्षी इलावाडीने कबूल केलं की, तिला जॅकलिन फर्नांडिस आणि सुकेश चंद्रशेखर यांच्यातील संबंधांबद्दल माहिती होती, असा दावा एका अधिकाऱ्याने केला आहे.

हेही वाचा- “मी सुकेशबरोबर…” २०० कोटींच्या मनी लाँडरिंगप्रकरणी नोरा फतेहीचा खुलासा

जॅकलिन फर्नांडिस कोणत्या बँडचे कपडे परिधान करते? याची माहिती जाणून घेण्यासाठी आरोपी सुकेश चंद्रशेखर यांने लीपाक्षी इलावाडी यांच्याशी संपर्क साधला होता. त्यानुसार सुकेशने जॅकलिनला महागड्या भेटवस्तू दिल्या होत्या. २०० कोटी रुपयांच्या खंडणी प्रकरणात पोलिसांनी आरोपी सुकेश चंद्रशेखरला अटक करताच जॅकलिनने त्याच्याशी असलेले सर्व संबंध तोडले, अशी माहितीही इलावाडी यांनी पोलीस चौकशीत दिली आहे.