जम्मू-काश्मीर : पाकिस्तानच्या विजयाचा जल्लोष केल्यामुळे वैद्यकीय विद्यार्थ्यांवर गुन्हा दाखल

जम्मू-काश्मीर पोलीस महानिरीक्षक विजय कुमार यांनी या प्रकरणाला दुजोरा दिला आहे.

kashmir-police-759-1
file photo

जीएमसी आणि स्किम्स मेडिकल कॉलेजच्या काही विद्यार्थ्यांवर टी -२० विश्वचषकात पाकिस्तानच्या विजयाचा आनंद साजरा केल्याप्रकरणी गुन्हा दाखल करण्यात आला आहे. जम्मू-काश्मीर पोलीस महानिरीक्षक विजय कुमार यांनी या प्रकरणाला दुजोरा दिला आहे. याप्रकरणी चौकशी सुरू असल्याचे देखील त्यांनी सांगितले.

यापुर्वी मनोहर गोपाला गावातील लोकांच्या निषेधावर सांबा पोलिसांनी याच प्रकरणी एफआयआर नोंदवून सहा तरुणांना अटक केली होती. तर अन्य चौघांचा शोध सुरू आहे. सांबा पोलिसांनी सांगितले की, रविवारी रात्री भारत-पाकिस्तान क्रिकेट सामना संपल्यानंतर, मनोहर गोपाला गावात एका समुदायातील तरुणांनी आनंदोत्सव साजरा करण्यास सुरुवात केली.

दरम्यान, विजय कुमार यांनी आता माहिती दिली आहे की रविवारी पाकिस्तानच्या विजयाचा आनंद साजरा केल्याप्रकरणी काही वैद्यकीय विद्यार्थ्यांवर एफआयआर दाखल करण्यात आला आहे. सोशल मीडियावरील एका व्हिडिओमध्ये विद्यार्थ्यांचा एक गट पाकिस्तान संघाच्या विजयाचा आनंद साजरा करताना दिसत आहे. व्हिडिओमध्ये कॉलेजचे विद्यार्थी ‘पाकिस्तान जिंदाबाद’च्या घोषणा देत आनंदात आणि नाचताना दिसत आहेत.

विद्यार्थ्यांवर आयपीसी कलम १०५ (अ) आणि ५०५ आणि बेकायदेशीर क्रियाकलाप (प्रतिबंध) कायद्याच्या कलम १३ अंतर्गत गुन्हा दाखल करण्यात आला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Jammu kashmir police books medical students for celebrating pakistan victory over india in t20 match srk

Next Story
चीनमधील भूकंपात ५० ठार, १५० जखमी
ताज्या बातम्या