संयुक्त जनता दल पक्षाचे नवनिर्वाचित खासदार देवेश चंद्र ठाकूर यांनी सीतामढी (बिहार) येथील एका कार्यक्रमादरम्यान वादग्रस्त वक्तव्य केलं आहे. ठाकूर म्हणाले, मी मुस्लिम आणि यादवांचं एकही काम करणार नाही. त्यांनी दावा केला आहे की, त्यांना नुकत्याच झालेल्या निवडणुकीत यादव समाज आणि मुसलमानांनी मतदान केलं नव्हतं. ठाकूर भर सभेत म्हणाले की “गेल्या २२ वर्षांच्या राजकारणात मी यादव आणि मुसलमानांची सर्वाधिक कामं केली. परंतु, निवडणुकीत या लोकांनी मला मतं दिली नाहीत. मला नाकारण्याचं कसलंही कारण नसताना त्यांनी मला मतं दिली नाहीत.”

ठाकूर म्हणाले, “या समाजातील लोक माझ्याकडे त्यांची कामं घेऊन आले तर मी नक्कीच त्यांना चहा-नाश्ता देईन. मात्र त्यांचं काम करणार नाही. ज्यांना त्यांची कामं घेऊन माझ्याकडे यायचंय त्यांनी यावं, मी त्यांना केवळ चहा-नाश्ता देईन. परंतु, त्यांनी माझ्याकडून कुठल्याही मदतीची अपेक्षा करू नये.” सीतामढीतून देवेश चंद्र ठाकूर यांनी विजय मिळवला आहे. ते यापूर्वी बिहार विधान परिषदेचे सभापती होते. ठाकूर हे सीतामढीमध्ये शिक्षक संघाने आयोजित केलेल्या एका कार्यक्रमात बोलत होते. या कार्यक्रमाला संबोधित करताना ठाकूर यांनी त्यांच्या मनातलं शल्य बोलून दाखवलं. ते म्हणाले, “मुस्लिम किंवा यादवांपैकी कोणी माझ्याकडे त्यांच काम घेऊन आलं तर मी त्यांना बसवेन, चहा-नाश्ता विचारेन, मात्र त्यांचं काम करणार नाही. त्यांनी माझ्याकडे यावं चहा-नाश्ता घ्यावा आणि परत जावं.”

Amol Kirtikar challenge to Ravindra Waikar MP
वायकर यांच्या खासदारकीला अमोल कीर्तिकरांचे आव्हान
Kapil Patil, Kisan Kathore, Kapil Patil Kisan Kathore controversy, Kapil Patil Statement on Murbad Assembly, Murbad Assembly constituency, bjp
…तर मुरबाड विधानसभा लढवेन, माजी मंत्री कपिल पाटील यांच्या वक्तव्याने खळबळ
cm eknath shinde
भारतीय संघाला दिलेल्या ११ कोटी रुपयांच्या बक्षिसावरून विरोधकांची टीका; CM शिंदेंनी दिलं प्रत्युत्तर; म्हणाले, “कसाबला…”
leaders photo missing from rohit patil birthday hoarding
आमदारपुत्र रोहित पाटलांच्या वाढदिनी शुभेच्छा जाहिरात फलकावरुन वरिष्ठ नेत्यांची फोटो गायब
Sanjay Raut on Ambadas Danve
“भाजपाच्या टोळ्यांना त्याच पद्धतीने…”, विधानपरिषदेतल्या राड्यानंतर संजय राऊतांकडून अंबादास दानवेंची पाठराखण
Kangana Ranuat and Ravi kishan slams rahul gandhi
“राहुल गांधींचे भाषण म्हणजे स्टँडअप कॉमेडी…”, खासदार कंगना रणौत, रवि किशन यांची टीका
Opponents displeasure over emergency protest proposal
आणीबाणीच्या निषेधाच्या प्रस्तावावर विरोधकांची नाराजी
Raj Bhushan Choudhary
‘या’ भाजपा खासदाराने ईश्वराच्या नावाने शपथ घेतली नाही, सभागृहात वेगवेगळ्या चर्चांना उधाण

देवेश चंद्र ठाकूर म्हणाले, “एनडीएच्या मतांचं विकेंद्रीकरण झालं. यामागची कोणतीही ठराविक कारणं नाहीत. प्रत्येक ठिकाणी वेगवेगळ्या कारणांमुळे एनडीएला फटका बसला. सुरी आणि कलवार समाजाची अर्धी मतं इंडियाला मिळाली. याचं नेमकं कारण काय? कुशवाहा समाजाची मतं देखील विभागली गेली. ही सगळी एनडीएची मतं होती. परंतु, आपण ही मतं का गमावली? कुशवाहा समाजातील लोक केवळ एकाच कारणामुळे खूश झाले होते की, लालू प्रसाद यादव यांनी या समाजातील सात उमेदवारांना लोकसभेचं तिकीट दिलं होतं.”

हे ही वाचा >> “भाजपाच्या नवनिर्वाचित मंत्र्याचं मद्यप्राशन करून नृत्य”, काँग्रेसची VIDEO शेअर करत जोरदार टीका

खासदार ठाकूर म्हणाले, “कुशवाहा समाज इतका स्वार्थी झाला आहे की त्यांच्या समाजातून आलेले सम्राट चौधरी राज्याचे उपमुख्यमंत्री झाले आहेत. तरी देखील त्यांनी एनडीएला मतं दिली नाहीत. उपेंद्र कुशवाहा जिंकले असते तर आज केंद्रात मंत्री झाले असते. कुशवाहा समाजातील कोणतेही पाच-सात खासदार झाले असते तर सीतामढीत काय फरक पडला असता? कुशवाहा समाज त्यांच्याकडे कामं घेऊन गेलाच असता ना. पण तसं झालं नाही. त्यांची विचारसरणी किती विकृत झाली आहे.”