scorecardresearch

Premium

Israel Hamas War : जेरुसलेममध्ये दहशतवादी हल्ला, तीन नागरिक ठार, आठ गंभीर जखमी

इस्रायल आणि हमासदरम्यानमधील शस्त्रविरामाला मुदतवाढ मिळावी यासाठी प्रयत्न सुरू असतानाच जेरुसलेमच्या रस्त्यावर दहशतवाद्यांनी अंदाधुंद गोळीबार केला.

Jerusalem Terror Attack
दोन हल्लेखोरांचा जेरुसलेमच्या विजमन स्ट्रीटवर अंदाधुंद गोळीबार. (PC : Reuters Video)

इस्रायल आणि हमासदरम्यान चालू असलेलं युद्ध तात्पुरतं थांबलं आहे. इस्रायल सरकार आणि हमासदरम्यान ओलीस आणि कैद्यांच्या सुटकेसाठी शस्त्रविराम घोषित केला आहे. हा शस्त्रविराम वाढण्याची मागणी होत आहे. त्यासाठी आंतरराष्ट्रीय स्तरावरून प्रयत्न होत आहेत. नियोजित करारानुसार हा शस्त्रविराम सोमवारी संपुष्टात येणार होता. त्याला आधी दोन आणि नंतर एक दिवसाची मुदतवाढ मिळाली आहे. अद्याप हमासच्या ताब्यातील सर्व ओलिसांची सुटका झालेली नाही, त्याचबरोबर इस्रायलच्या ताब्यात बरेच पॅलेस्टिनी कैदी आहेत. त्यांच्या सुटकेसाठी शस्त्रविराम वाढवण्यात आला आहे. अशातच दहशतवाद्यांनी दगाबाजी करत इस्रायलला मोठा धक्का दिला आहे.

शस्त्रविरामादरम्यान, इस्रायलच्या जेरुसलेममध्ये दहशतवादी हल्ला झाला आहे. दोन हल्लेखोरांनी जेरुसलेमधील सततची रहदारी असलेल्या एका रस्त्यावर अंदाधुंद गोळीबार केला. या हल्ल्यात तीन इस्रायली नागरिक ठार झाले आहेत. पोलिसांनी सांगितले की, स्थानिक वेळेनुसार गुरुवारी सकाळी ७.४० वाजता हा हल्ला झाला. विजमन स्ट्रीटवरील बस स्टॉपजवळ दोन पॅलेस्टिनी हल्लेखोर एका गाडीतून उतरले आणि त्यांनी रस्त्यावरच्या लोकांवर अंदाधुंद गोळीबार केला. या हल्ल्यात तीन इस्रायली नागरिक जागीच ठार झाले आहेत. तर आठ जण जखमी झाले आहेत. यामधील दोघांची प्रकृती चिंताजनक आहे. सर्व जखमी नागरिकांना जवळच्या रुग्णालयात दाखल करण्यात आलं आहेत.

mumbai crime news, person pistol catridges mumbai marathi news, mumbai crime marathi news
मुंबई : पिस्तूल, जिवंत काडतुसांसह सराईत आरोपीला अटक, आरोपीविरोधात हत्येच्या प्रयत्नाचे दोन गुन्हे दाखल
A minor girl was beaten up by goons on a bike in Jaripatka police station limits Nagpur
नागपुरात गुन्हेगार सुसाट! भरचौकात गुंडांनी तरुणीसोबत…
sarwan singh pandher
‘आम्ही पाकिस्तानमधून नाही आलो’, पोलीस दलाच्या कारवाईनंतर शेतकरी नेत्याचे विधान
indian government, fencing, indo-myanmar border, surveillance, chin national front, Mizoram, Manipur, Nagaland, Arunachal Pradesh
म्यानमारच्या सीमेवरले संभाव्य कुंपण कुणाला टोचणार?

हल्लेखोर अंदाधुंद गोळीबार करत असताना विजमन स्ट्रीटवर उभ्या असलेल्या ऑफ ड्युटी जवानांनी आणि नागरिकांनी हल्लेखोरांवर प्रतिहल्ला केला. या हल्ल्यात दोन्ही हल्लेखोर मारले गेले. इस्रायली सुरक्षा एजन्सी शिन बेतने दिलेल्या माहितीनुसार मुराद नाम्र (३८) आणि इब्राहिम नाम्र (३०) अशी हल्लेखोरांची नावं आहेत. हे दोन्ही हल्लेखोर हमासशी संबंधित आहेत. दहशतवादी कारवायांमधील सहभागामुळे या दोघांनी यापूर्वी तुरुंगवास भोगला आहे.

हे ही वाचा >> देव तारी त्याला कोण मारी! गाझामध्ये ३७ दिवसानंतर ढिगाऱ्याखाली चिमुकला सुखरुप आढळला, हृदयस्पर्शी VIDEO पाहून व्हाल भावूक

दरम्यान, या हल्ल्याच्या काही वेळ आधी इस्रायलमधल्या जेरुसलेम शहरातील ओल्ड सिटीमधील पवित्र धार्मिक स्थळावर तीन दहशतवाद्यांनी पोलिसांवर हल्ला केला. या हल्ल्यात दोन पोलिसांचा जागीच मृत्यू झाला असून पोलीस चकमकीत तिन्ही दहशतवादी ठार झाले. हल्लेखोर हे पूर्व इस्रायलचे रहिवासी होते अशी माहिती समोर आली आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Jerusalem terror attack 3 israelis killed 6 injured hamas affiliated assailants shot dead asc

First published on: 30-11-2023 at 17:32 IST

संबंधित बातम्या

तुम्ही या बातम्या वाचल्या आहेत का? ×