सरन्यायाधीशपदी सथाशिवम यांचा शपथविधी

भारताचे ४० वे सरन्यायाधीश म्हणून सर्वोच्च न्यायालयाचे न्यायाधीश पी. सथाशिवम यांनी शुक्रवारी शपथ घेतली. राष्ट्रपती प्रणव मुखर्जी यांनी त्यांना शपथ दिली.

भारताचे ४० वे सरन्यायाधीश म्हणून सर्वोच्च न्यायालयाचे न्यायाधीश पी. सथाशिवम यांनी शुक्रवारी शपथ घेतली. राष्ट्रपती प्रणव मुखर्जी यांनी त्यांना शपथ दिली.
गेल्या नऊ महिन्यांपासून सरन्यायाधीश असलेले अल्तमास कबीर निवृत्त झाल्यामुळे सथाशिवम यांची सरन्यायाधीशपदी नियुक्ती करण्यात आली. राष्ट्रपती भवनातील दरबार हॉलमध्ये झालेल्या कार्यक्रमामध्ये ६४ वर्षीय सथाशिवम यांनी पदाची शपथ घेतली. यावेळी पंतप्रधान डॉ. मनमोहनसिंग, उपराष्ट्रपती हमीन अन्सारी, कॉंग्रेस अध्यक्षा सोनिया गांधी, लोकसभेतील विरोधी पक्षनेत्या सुषमा स्वराज, राज्यसभेतील विरोधी पक्षनेते अरूण जेटली, लालकृष्ण अडवाणी आणि केंद्रीय मंत्रिमंडळातील विविध मंत्री उपस्थित होते.
ऑगस्ट २००७ मध्ये सथाशिवम सर्वोच्च न्यायालयात न्यायाधीश म्हणून रुजू झाले होते. ते २६ एप्रिल २०१४ पर्यंत पदावर कायम राहणार आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Justice p sathasivam sworn in as 40th chief justice of india

ताज्या बातम्या