कर्नाटक पोलिसांचा सामूहिक रजा आंदोलनाचा इशारा

वरिष्ठ अधिकाऱ्यांकडून होणारा छळ आणि कमी वेतन यासाठी सामूहिक रजा आंदोलन पुकारण्यात आले

सरकारकडून ‘एस्मा’
कर्नाटक पोलिसांनी ४ जून रोजी सामूहिक रजा आंदोलनाचा इशारा दिला असून त्याचा मुकाबला करण्यासाठी कर्नाटक सरकारने राज्य पोलीस आणि संबंधित यंत्रणांवर आवश्यक सेवा परिरक्षण कायदा (एस्मा) लावण्याचा निर्णय घेतला आहे.
सार्वजनिक जनजीवन आणि सुरक्षा अबाधित ठेवण्यासाठी एस्मा लावण्याचा निर्णय घेण्यात आल्याची अधिसूचना कर्नाटक सरकारने जारी केली आहे. सार्वजनिक जनजीवन अबाधित ठेवणे, मालमत्तेचे रक्षण करणे आणि गुन्हेगारी थांबविणे हे पोलिसांचे कर्तव्य आहे, असे आदेशात म्हटले आहे. पोलीस दलाच्या बेशिस्तीबद्दल मुख्यमंत्री सिद्धरामय्या यांनी इशारा दिल्यानंतर आदेश जारी करण्यात आले आहेत.
वरिष्ठ अधिकाऱ्यांकडून होणारा छळ आणि कमी वेतन यासाठी सामूहिक रजा आंदोलन पुकारण्यात आले असून ते होणारच असा इशारा पोलिसांच्या संघटनेने दिला आहे. पोलिसांनी चिथावणीला बळी पडू नये, बेशिस्त सहन केली जाणार नाही, असा इशारा मुख्यमंत्र्यांनी दिला आहे.
सदर आंदोलन ज्या संघटनेने पुकारलेले आहे ती संघटना मान्यताप्राप्त नाही त्यामुळे बेशिस्तीला थारा दिला जाणार नाही, असे मुख्यमंत्र्यांनी म्हटले आहे. अखिल कर्नाटक पोलीस महासंघाने हे आंदोलन पुकारले आहे. पोलिसांच्या तक्रारींबाबत सरकार त्यांच्याशी चर्चेला तयार आहे, असे मुख्यमंत्री म्हणाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Karnataka cops threaten strike govt warns of jail term dismissal

ताज्या बातम्या