मोठ्या आवाजात गाणी लावाल तर बसमधून हाकलण्यात येऊ शकतं; ‘या’ राज्यात नवा नियम लागू

प्रवाशांना त्रास होऊ नये म्हणून मोठ्या आवाजात गाणी लावण्यास प्रतिबंध करण्यात आला आहे.

कर्नाटक उच्च न्यायालयाने दिलेल्या आदेशानुसार, कर्नाटक राज्य मार्ग परिवहन महामंडळ (KSRTC) बसमधून प्रवास करणाऱ्या प्रवाशांना त्यांच्या मोबाईल स्पीकरवर गाणी वाजवण्यास बंदी घालण्यात आली आहे.

कर्नाटक उच्च न्यायालयाने यापूर्वी न्यायालयात दाखल केलेल्या रिट याचिकेच्या आधारे बंदी घालण्याचा निर्णय घेतला. याचिकेत बसमधील आवाजाच्या त्रासावर निर्बंध आणण्याची मागणी केली होती. मोठ्या आवाजात गाणी आणि व्हिडिओ प्ले करण्यासाठी मोबाइल फोनचा वापर प्रतिबंधित करण्यात यावा, असे त्यात म्हटले आहे.

ही बाब विचारात घेऊन, कर्नाटक उच्च न्यायालयाच्या आदेशात म्हटले आहे की बसमधील अधिकाऱ्यांनी लोकांना जास्त आवाजात गाणी वाजवू नये आणि सहप्रवाशांना त्रास होऊ नये अशी विनंती करावी.

“एखाद्या प्रवाशाने सूचना ऐकल्या नाहीत तर अधिकारी प्रवाशाला बसमधून उतरवू शकतात,” असे उच्च न्यायालयाने म्हटले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Karnataka hc bans playing songs videos mobile speakers ksrtc buses vsk

Next Story
बराक ओबामा यांची रोम्नींवर टीका