दिल्लीचे मुख्यमंत्री आणि आम आदमी पक्षाचे प्रमुख अरविंद केजरीवाल यांना ठार मारण्याची धमकी मिळाली असल्याचा आरोप ‘आप’ पक्षाच्या नेत्यांनी केला आहे. मुख्यमंत्री अरविंद केजरीवाल यांच्यावर हल्ला करण्याचा डाव भाजपाने आखला असल्याचा आरोप ‘आप’चे नेते खासदार संजय सिंह यांनी केला आहे. आम आदमी पक्षाच्या एक्स अकाऊंटवरील पोस्टसह काही फोटो शेअर करण्यात आले आहेत. “मेट्रो स्थानकात अनेक ठिकाणी खुलेआम मुख्यमंत्र्यांना ठार मारण्याची धमकी देण्यात आलेली आहे. राजीव चौक, पटेल नगर या मेट्रो स्थानकावर भाजपाच्या आदेशावरून या धमक्या देण्यात आल्या आहेत”, असा दावा ‘आप’ने केला.

“जर अरविंद केजरीवाल यांना काही झाले तर त्यासाठी पंतप्रधान नरेंद्र मोदी आणि भारतीय जनता पक्ष जबाबदार असेल”, असाही आरोप ‘आप’ने केला आहे.

Agra Income tas raids
पलंग, पिशव्या अन् चपलांच्या बॉक्समध्येही ऐवज! IT च्या धाडीत सापडलं कोट्यवधींचं घबाड, अधिकारी रात्रभर पैसेच मोजत बसले!
navi Mumbai lok sabha voting
Maharashtra Lok Sabha Election 2024 Phase 5 Voting Live: महाराष्ट्रात सायंकाळी ५ वाजेपर्यंत ४८.६६ टक्के मतदान!
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
Raghuram Rajan reuters
“निवडणुकीत भाजपाचा पराभव झाला तर…”, भारताच्या अर्थव्यवस्थेबाबत माजी RBI गव्हर्नर रघुराम राजन यांचं मोठं वक्तव्य
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
What Kangana Said?
कंगनाचा धक्कादायक दावा, “कोणतीही नवी हिरोईन आली की तिला दाऊदसमोर..”
Ian Bremmer prashant kishor
भाजपाला किती जागा मिळणार? प्रशांत किशोरांपाठोपाठ अमेरिकन राजकीय संशोधकाने केलं विश्लेषण
Pune Porsche Accident Latest Updates in Marathi
Pune Porsche Accident:अश्विनी आणि अनिश यांना पोर्शने धडक देण्याआधी काय घडलं? डिनर प्लॅन आणि..

खासदार संजय सिंह पत्रकार परिषदेत म्हणाले, “अरविंद केजरीवाल यांना घालविण्यासाठी भाजपा पक्ष हातघाईवर आला आहे. अरविंद केजरीवाल तुरुंगातून बाहेर आल्यापासून त्यांना लक्ष्य करण्याचा सातत्याने प्रयत्न होत आहे. केजरीवाल यांच्या जिवाला धोका निर्माण होईल, असे कृत्य भाजपाकडून केले जाण्याची शक्यता आहे. याआधीही भाजपाने केजरीवाल यांच्यावर हल्ल्याचा प्रयत्न केला आहे, ही पहिली वेळ नाही. सध्या खुलेआम धमक्या दिल्या जात आहेत, दिल्लीच्या अनेक मेट्रो स्थानकावर धमक्या लिहिल्या गेल्या आहेत. पंतप्रधान कार्यालय आणि स्वतः पंतप्रधानांच्या इशाऱ्यावर या धमक्या दिल्या जात आहेत, असा माझा थेट आरोप आहे.”

दरम्यान आप नेत्या आतिशी म्हणाल्या की, राजीव चौक, पटेल चौक आणि इतर मेट्रो स्थानके हे पूर्णतः सीसीटीव्हीच्या नजरेखाली आहेत. पोलीस आणि सीआयएसएफचे सुरक्षा कर्मचारी २४ तास इथे तैनात केलेले असतात. तरीही एका व्यक्तीने स्थानकावर खुलेआम धमकीचा संदेश लिहून पळ काढला आणि धमकीचा संदेश लिहिणाऱ्याला शोधण्याचाही प्रयत्न केला जात नाही. ज्या व्यक्तीने धमकी दिली, त्याने त्याच्या सोशल मिडिया अकाऊंटवर फोटोही पोस्ट केले आहेत. पोलीस आणि सायबर सेल कुठे आहे? स्वाती मालिवाल यांच्या खोट्या आरोपांची दखल घेताना पोलिसांनी चपळता दाखवली होती, मात्र हेच पोलीस धमकी देणाऱ्याला पकडताना दाखवत नाहीत.