केरळमधील पहिल्या तृतीयपंथी RJ चा मृतदेह सापडल्याने खळबळ; थेट मुख्यमंत्र्यांकडे चौकशीची मागणी

निवडणुकीच्या रिंगणात उतरणारीदेखील ती पहिलीच तृतीयपंथी उमेदवार होती

Kerala first transgender, Radio Jockey, RJ, assembly poll candidate, Anannyah Kumari Alex
निवडणुकीच्या रिंगणात उतरणारीदेखील ती पहिलीच तृतीयपंथी उमेदवार होती

केरळमधील पहिली तृतीयपंथी रेडिओ जॉकी म्हणून ओळख मिळवलेल्या अनन्याचा मृतदेह सापडल्याने खळबळ माजली आहे. अनन्याने विधानसभा निवडणूकदेखील लढली होती. निवडणुकीच्या रिंगणात उतरणारीदेखील ती पहिलीच तृतीयपंथी उमेदवार होती. पोलिसांनी दिलेल्या माहितीनुसार, बेडरुममध्ये गळफास घेतलेल्या अवस्थेत अनन्याचा मृतदेह आढळून आला.

याआधी २८ वर्षीय अनन्याने लिंगबदल शस्रक्रियेनंतर आपली प्रकृती ठीक नसल्याची माहिती दिली होती. सर्जरीनंतर आपण बराच वेळ एका ठिकाणी उभं राहू शकत नाही तसंच काम करु शकत नसल्याचं तिने म्हटलं होतं. सर्जरीमध्ये झालेल्या काही चुकांमुळे आपल्याला आरोग्याशी संबंधित अडचणी जाणवत असल्याची माहिती तिने दिली होती.

पोलिसांनी दिलेल्या माहितीनुसार, आरोग्यासंबंधी तक्रारींमुळे मृत्यू झाल्याची शंका आहे. सध्या याप्रकरणी तपास सुरु आहे. दरम्यान अनन्याच्या मित्रांनी थेट मुख्यमंत्र्यांकडे तक्रार करत चौकशीची मागणी केली आहे.

अनन्या कुमारी अॅलेक्स विधानसभा निवडणूक लढवणारी पहिली तृतीयपंथी होती. मात्र नंतर तिने डीएसजेपी पक्षाकडून मानसिक त्रास दिला जात असून हत्येच्या धमक्या दिल्या जात असल्याचा आरोप करत उमेदवारी मागे घेतली होती. अनन्या रेडिओ जॉकीसोबतच मेकअप आर्टिस्ट आणि एका खासगी न्यूज चॅनेलमध्ये अँकरही होती.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Kerala first transgender rj and assembly poll candidate anannyah kumari alex found dead sgy

Next Story
चीनमधील भूकंपात ५० ठार, १५० जखमी
ताज्या बातम्या