scorecardresearch

Premium

खलिस्तानी दहशतवादी जर्नेलसिंग भिंद्रनवालेच्या पुतण्याचा पाकिस्तानात मृत्यू, ISI शी होतं खास कनेक्शन

शीख प्रथा आणि परंपरांचे पालन करून रोडेवर गुप्तपणे पाकिस्तानात अंत्यसंस्कार करण्यात आल्याचेही सूत्रांनी सांगितले.

Lakhbir singh Rode
लखबीर सिंग रोडे याचा मृत्यू (फोटो – इंडियन एक्स्प्रेस)

खलिस्तानी चळवळीचा नेता जर्नेल सिंग भिंद्रनवालेचा पुतण्या लखबीर सिंग रोडे याचा २ डिसेंबर रोजी पाकिस्तानात मृत्यू झाला आहे. इंडिया टुडेने सुत्रांच्या हवाल्याने हे वृत्त दिले आहे. रोडे याला हृदयविकाराचा झटका आल्याने मृत्यू झाल्याचं सांगण्यात येतंय.

शीख प्रथा आणि परंपरांचे पालन करून रोडेवर गुप्तपणे पाकिस्तानात अंत्यसंस्कार करण्यात आल्याचेही सूत्रांनी सांगितले. लखबीर सिंग रोडे पाकिस्तानची गुप्तचर संस्था ISI च्या सांगण्यावरून पंजाबमध्ये भारताविरुद्धच्या दहशतवादी कारवायांमध्ये सामील होता. ऑक्टोबरमध्ये, राष्ट्रीय तपास संस्थेने (एनआयए) दहशतवादविरोधी एजन्सीने छापे टाकल्यानंतर रोडेची मालमत्ता जप्त केली होती.

santhan rajiv gandhi case convict
राजीव गांधी हत्या प्रकरणातील दोषीचा सुटकेनंतर दोन वर्षांनी मृत्यू; आरोपी संथन कोण होता?
How names of two lions Sita and Akbar
सिंहाचं नाव अकबर अन् सिंहिणीचं नाव सीता ठेवल्याच्या वादात मोठी कारवाई; त्रिपुराच्या ‘त्या’ अधिकाऱ्याला केले निलंबित
alexei navalny marathi news, alexei navalny death marathi news, russian opposition leader alexei navalny marathi news
अकस्मात मृत्यू की राजकीय हत्या? पुतिनविरोधक अलेक्सी नवाल्नी यांना संपवण्याचे कारण काय? जगभर त्यांच्या लोकप्रियतेचे रहस्य काय?
British Prime Minister Rishi Sunak in trouble due to Infosys
इन्फोसिसमुळे ब्रिटिश पंतप्रधान ऋषी सुनक अडचणीत? नारायण मूर्तींच्या कंपनीला ब्रिटनमध्ये ‘व्हीआयपी प्रवेश’ देण्याचे प्रकरण काय आहे?

हेही वाचा >> वेगळ्या राज्याची मागणी, ऑपरेशन ब्लु स्टार ते इंदिरा गांधींची हत्या; खलिस्तानी चळवळीचा रक्तरंजित इतिहास

पंजाबमधील मोगा येथे छापे टाकण्यात आले. २०२१ ते २०२३ दरम्यान दहशतवादाशी संबंधित कारवायांमध्ये सक्रिय सहभागासाठी रोडेविरोधात सहा प्रकरणांची चौकशी करत असताना दहशतवादविरोधी एजन्सीची कारवाई झाली. रोडे हा बंदी घातलेल्या आंतरराष्ट्रीय शीख युथ फेडरेशनचा (ISYF) प्रमुख होता आणि त्याला सरकारने दहशतवादी म्हणून घोषित केले होते.

दरम्यान, “आम्हाला माझा भाऊ लखबीर सिंग रोडे यांच्या मुलाने कळवले की त्याचा पाकिस्तानमध्ये हृदयविकाराच्या झटक्याने मृत्यू झाला आणि तिथेच त्याच्यावर अंत्यसंस्कार करण्यात आले. त्याला मधुमेहाचा जास्त त्रास होता. त्याची दोन मुले, एक मुलगी आणि पत्नी कॅनडामध्ये राहतात”, अशी माहिती लखबीर सिंग याचा भाऊ जसबीर सिंग यांनी इंडियन एक्स्प्रेसला दिली.

मूळचा मोगा येथील रोडे गावचा रहिवासी असलेला लखबीर सिंग सुरुवातीला दुबईला पळून गेला होता. नंतर तो पाकिस्तानात गेला पण त्याच्या कुटुंबाला कॅनडामध्ये ठेवले. २००२ मध्ये भारताने पाकिस्तानकडे २० दहशतवाद्यांची यादी सादर केली होती आणि त्यांच्या प्रत्यार्पणाची मागणी केली होती.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Khalistani terrorist lakhbir singh rode nephew of bhindranwale dies in pakistan sgk

First published on: 05-12-2023 at 10:13 IST

संबंधित बातम्या

तुम्ही या बातम्या वाचल्या आहेत का? ×