Kidnapped Sikh family murdered in America police ysh 95 | Loksatta

अपहरण झालेल्या शीख कुटुंबाची अमेरिकेत हत्या

अमेरिकेच्या कॅलिफोर्नियामध्ये चार दिवसांपूर्वी अपहरण झालेल्या शीख कुटुंबाची हत्या झाल्याचे स्पष्ट झाले आहे. मृतांमध्ये ८ महिन्याच्या बाळाचाही समावेश आहे.

अपहरण झालेल्या शीख कुटुंबाची अमेरिकेत हत्या
अपहरण झालेल्या शीख कुटुंबाची अमेरिकेत हत्या

पीटीआय, लॉस एंजेलिस : अमेरिकेच्या कॅलिफोर्नियामध्ये चार दिवसांपूर्वी अपहरण झालेल्या शीख कुटुंबाची हत्या झाल्याचे स्पष्ट झाले आहे. मृतांमध्ये ८ महिन्याच्या बाळाचाही समावेश आहे. या घटनेनंतर पंजाबमधील त्यांच्या मूळ गावी संतापाची भावना व्यक्त होत असून पंजाबचे मुख्यमंत्री भगवंत मान यांनीही सखोल चौकशीची मागणी केली आहे.

कॅलिफोर्नियाच्या मर्सेड काऊंटीमध्ये नव्याने ट्रकच्या व्यवसायात उतरलेले जसदीप सिंग, त्यांचे मोठे बंधू अमरदीप सिंग, जसदीप यांची पत्नी जसलीन कौर आणि ८ महिन्यांचे बाळ आरुही यांचे अपहरण करण्यात आले होते. त्यांचा शोध सुरू असताना गुरुवारी जवळच असलेल्या फळबागेमध्ये चौघांचे मृतदेह आढळून आले. अपहरणाची सीसीटीव्ही चित्रफीत पोलिसांच्या हाती लागली असून पैशांसाठी त्यांची हत्या करण्यात आल्याची शक्यता वर्तवण्यात येत आहे. अपहृतांपैकी एकाचे एटीएम कार्ड अपहरणाच्या घटनेनंतर वापरण्यात आले होते. सिंग कुटुंबीयांनी मात्र आपल्या कार्यालयातून कसलीही चोरी झाली नसल्याचे म्हटल्यामुळे हत्येच्या कारणाबाबत संशय बळावला आहे. पोलिसांनी आरोपी जिजस मॅन्युअल सल्गाडो याला यापूर्वीच अटक केली असून आत्महत्येच्या प्रयत्नात जखमी झाल्यानंतर त्याच्यावर रुग्णालयात उपचार सुरू आहेत.

चौकशीची मागणी

पंजाबचे मुख्यमंत्री भगवंत मान यांनी या घटनेबाबत तीव्र संतापाची भावना व्यक्त केली. केंद्र सरकारने अमेरिकेच्या अधिकाऱ्यांसोबत चर्चा करून या प्रकरणाची योग्य चौकशी करण्यास सांगावे, अशी मागणी त्यांनी केली. परराष्ट्रमंत्री एस जयशंकर यांनीही या प्रकरणात लक्ष घालावे, असे आवाहनही मान यांनी केले.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
फ्रेंच लेखिका अ‍ॅनी अर्नो यांना साहित्याचे नोबेल

संबंधित बातम्या

“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
“मी तो पक्षी आहे, ज्याचे घरटे…”, NDTV चा राजीनामा दिल्यानंतर रवीश कुमार भावूक
Gujarat Election: काँग्रेस खासदार इम्रान प्रतापगढींच्या जाहीर सभेत गोंधळ, AIMIM वर टीका करताच…
“१०० तोंडांचे रावण” म्हणणाऱ्या मल्लिकार्जुन खरगेंना पंतप्रधान मोदींचे प्रत्युत्तर; म्हणाले, “काँग्रेसमध्ये स्पर्धा लागली की…”
कंबरेला Paytm QR कोड बांधून उच्च न्यायालयाचा शिपाई घेता होता पैसे; न्यायाधीशांनी सुनावली शिक्षा, नेमकं काय आहे प्रकरण?

व्हिडिओ

ताज्या बातम्या
पाथरीकरांची ‘श्रद्धा’ पण शासनाची ‘सबुरी’!; साईबाबा तीर्थक्षेत्र आराखडा तीन वर्षांपासून रखडला
रेल्वेमुळे तुळजापूर, उस्मानाबादच्या विकासाचा मार्ग मोकळा
स्मृतिभ्रंश आजार बरा करणारे औषध शोधण्यात यश ; वृद्धांना मोठा दिलासा
आरोग्य वार्ता : ‘फ्लू’ची लस हृदयरुग्णांसाठी लाभदायी
FIFA World Cup 2022 : अर्जेटिनाची पोलंडवर मात; दोन्ही संघ बाद फेरीत