scorecardresearch

कुनो राष्ट्रीय उद्यानातील मादी चित्ता गर्भवती?, अधिकारी म्हणाले….

Kunos Cheetahs : मध्यप्रदेशातील कुनो-पालपूर राष्ट्रीय उद्यानात आठ चित्ते आणण्यात आले आहेत. त्यातील एक मादी चित्ता गर्भवती असल्याचे वृत्त आहे. यावरती उद्यानाचे अधिकारी म्हणाले….

कुनो राष्ट्रीय उद्यानातील मादी चित्ता गर्भवती?, अधिकारी म्हणाले….
चित्ता ( फोटो – संग्रहित )

पंतप्रधान नरेंद्र मोदी यांच्या वाढदिवसानिमित्त भारतात आठ चित्ते आणण्यात आले. नामिबियातून आणणेल्या या चित्त्यांना मध्यप्रदेशमधील कुनो-पालपूर राष्ट्रीय उद्यानात ठेवण्यात आलं आहे. त्यात आता ‘आशा’ ही मादी चित्ता गर्भवती असल्याची माहिती समोर आली आहे. त्यामुळे नामिबियातून आणणेल्या मादी चित्त्याने सर्वांच्या ‘आशा’ पल्लवीत केल्या आहेत.

यावरती चित्त्यांची देखभाल करणाऱ्या सीसीएच्या डॉ. लॉरी मार्कर यांनी इंडिया टुडेला सांगितलं की, “मादी चित्ता गर्भवती असण्याची शक्यता आहे. आम्हाला याची लवकरच माहिती मिळेल. मादी गर्भवती असेल तर ही नामिबियाची आणखी एक भेट असेल. त्यामुळे मादी चित्त्याला एकांतवास आणि शांतता दिली पाहिजे,” असेही मार्कर यांनी म्हटलं.

मात्र, कुनो-पालपूर राष्ट्रीय उद्यानाचे अधिकारी प्रकाश कुमार वर्मा यांनी या वृत्ताचे खंडण केलं आहे. “मादी चित्ता गर्भवती असल्याचे वृत्त खोटे आहे. या मादी चित्त्याची कोणताही चाचणी करण्यात आली नाही. अथवा त्याप्रकारचा अहवाल नामिबीयातून प्राप्त झाला नाही आहे. हे वृत्त कसे प्रसारित झाले, याची मला माहिती नाही,” असे प्रकाश कुमार वर्मा स्पष्ट केलं.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

संबंधित बातम्या