तेलंगणा ते छत्तीसगड, पायी प्रवास करणाऱ्या मजूर महिलेने रस्त्यात दिला मुलाला जन्म

बाळ आणि आई दोघेही सुखरुप

प्रातिनिधीक छायाचित्र

करोना विषाणूचा सामना करण्यासाठी केंद्र सरकारने लॉकडाउनचा कालावधी १७ मे पर्यंत वाढवला आहे. गेल्या काही दिवसांपासून हातावर पोट असणाऱ्या मजूर आणि कामगार वर्गाला या लॉकडाउनचा फटका बसत होता. अखेरीस केंद्र सरकारने इतर राज्यात अडकलेल्या परप्रांतीय मजुरांना घरी जाण्याची परवानगी दिली. त्यांच्यासाठी रेल्वे विभागाने खास गाड्यांचीही सोय केली. परंतू काही मजुरांच्या नशिबात अजुनही पायी प्रवास करणं सुरुच आहे. तेलंगणात कामासाठी आलेल्या मजूर महिलेने छत्तीसगडला आपल्या घरी जात असताना वाटेतच मुलाला जन्म दिला आहे.

तेलंगणामधील संगरेड्डी जिल्ह्यातून या महिलेने आपल्या परिवारासह छत्तीसगडच्या दिशेने प्रवास सुरु केला. मात्र वाटेतच मंगळवारी पहाटे ४ वाजल्याच्या दरम्यान या मजूर महिलेला प्रसुतीकळा सुरु झाल्या. महिलेचा पती व परिवारातील इतर सदस्यांनी मिळून या महिलेची प्रसुती केली. शिवनूर गावाजवळ रस्त्यावरच महिलेने एका मुलाला जन्म दिला. यावेळी परिसरात बंदोबस्तावर असलेल्या एका पोलिस अधिकाऱ्याने या महिलेला अँब्युलन्समधून जवळच्या रुग्णालयात दाखल केलं.

रुग्णालयात दाखल केल्यानंतर डॉक्टरांनी महिला व बाळाची योग्य तपासणी केली आहे. दोघेही सुखरुप असल्याची माहिती डॉक्टरांनी दिली. हैदराबादमधून पायी चालत छत्तीसगड गाठायचं ठरवल्यानंतर हा परिवार दररोज ७० किलोमिटरचा प्रवास करत होता. या महिलेला साडेतीन वर्षाचा मुलगा आहे, जो लॉकडाउन काळात आपल्या आई-बाबांसह पायी छत्तीसगडच्या दिशेने प्रवास करत होता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Lockdown pregnant woman forced to travel from telangana to chhattisgarh on foot delivers baby on road psd

Next Story
शांत व आरोग्यदायी झोपेसाठी सेंद्रिय बिछाना
ताज्या बातम्या