करोनाची दीर्घकालीन लक्षणे मुलांमध्ये कमी

सुमारे ९८.४ टक्के  मुले आठ आठवडय़ात बरी झाली, त्यामुळे त्यांच्यात दीर्घ काळ हा आजार दिसला नाही.

लंडन : करोनाची दीर्घकालीन लक्षणे मुलांमध्ये दुर्मीळ असतात. वाढते वय हा यात धोकादायक घटक असतो, कोविडसह इतर अनेक रोग असे आहेत, ज्यात वाढत्या वयाने जोखीम वाढत असते, असे एका संशोधनात म्हटले आहे.

ब्रिटनच्या राष्ट्रीय आरोग्य संस्थेने हे संशोधन केले असून ब्रिटनमध्ये १ लाख ३१ हजार बळ करोनामुळे गेले असून त्यात केवळ तीस मुलांचा समावेश आहे. त्यामुळे करोनाचा धोका मुलांना कमी असतो.  अनेक श्रीमंत देशात मोठय़ा प्रमाणात लसीकरण झाले असून विषाणूचा प्रसार आता उतरणीला लागला आहे व तो संपेल. करोनाच्या साथीत मुलांचा विचार केला असता त्यांच्यापैकी अनेकांना रुग्णालयात दाखल करण्याची गरज भासली नाही हे विशेष आहे. दुसरी गोष्ट म्हणजे, जरी काही मुलांना करोना झाला तरी ते त्यातून लवकर बरे झाले आहेत. कोविड  लक्षणांचा अभ्यास सिटीझन सायन्स प्रोजेक्ट अंतर्गत करण्यात आला असून त्यात असे दिसून आले, की मुलांमध्ये कोविडची लक्षणेही कमी दिसली.

ज्या मुलांच्या चाचण्या सकारात्मक आल्या होत्या त्यांच्यात किमान २८ दिवस लक्षणे दिसून आली. या मुलांमध्ये डोकेदुखी, थकवा,ताप, घसा खवखवणे यासारखी लक्षणे दिसून आली. त्यांच्यात लक्षणे काही काळ दिसत असली तरी हा आजार सरासरी विचार करता सहा किंवा पाचच दिवस दिसत होता. काही किशोरवयीन मुलांमध्ये तो सात दिवस दिसत होता. ४.४ टक्के  मुलांमध्ये २८ दिवस किंवा त्यानंतर लक्षणे दिसत राहिली. प्रौढांमध्ये ही लक्षणे १३.३ टक्के लोकांमध्ये २८ दिवसाहून अधिक काळ दिसली. सुमारे ९८.४ टक्के  मुले आठ आठवडय़ात बरी झाली, त्यामुळे त्यांच्यात दीर्घ काळ हा आजार दिसला नाही.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Long term symptoms of corona in children is very low zws

Next Story
पेट्रोल, डिझेल, एलपीजी दरात पुढील आठवडय़ात वाढ?
ताज्या बातम्या