पेट्रोल-डिझेलनंतर आता एलपीजी, सीएनजी आणि एटीएफच्या दरातही वाढ

पेट्रोल-डिझेलच्या किंमतीमध्ये दररोज होत असलेल्या वाढीमुळे त्रस्त असलेल्या सामान्य व्यक्तीवर आता महागाईचा तिहेरी झटका

पेट्रोल-डिझेलच्या किंमतीमध्ये दररोज होत असलेल्या वाढीमुळे त्रस्त असलेल्या सामान्य व्यक्तीवर आता महागाईचा तिहेरी झटका बसला आहे.

पेट्रोल-डिझेलच्या किंमतीमध्ये दररोज होत असलेल्या वाढीमुळे त्रस्त असलेल्या सामान्य व्यक्तीवर आता महागाईचा तिहेरी झटका बसला आहे. स्वयंपाकाच्या गॅस सिलिंडरबरोबर आता सीएनजीही महाग झाले आहे. त्याचबरोबर विमान इंधनाचे (एटीएफ) देशांतर्गत दर २६५० रूपये प्रति किलोलीटर वाढल्यामुळे हवाई प्रवासासाठी आता खिसा रिकामा करावा लागणार आहे. नवीन किमती या रविवारी मध्यरात्रीपासून लागू झाले आहेत.

सबसिडी असलेल्या स्वयंपाकाच्या गॅस सिलिंडरची किंमत दिल्लीत २.८९ रुपयांनी वाढून ती ५०२.४ रुपये प्रति सिलिंडर झाली आहे. दिल्लीत विना सबसिडी असलेला सिलिंडर ५९ रुपयांनी महाग झाला आहे. इंडियन ऑइलने जारी केलेल्या निवेदनानुसार, आंतरराष्ट्रीय बाजारातील वाढलेल्या किंमती आणि विदेश मुद्रा विनिमय दरातील चढ-उतारामुळे ही वाढ करण्यात आली आहे.

स्वयंपाकाच्या गॅस सिलिंडर असलेल्या ग्राहकाच्या बँक खात्यात ऑक्टोबरमध्ये ३७६.६० रुपये प्रति सिलिंडर सबसिडी जमा केली जाईल. सप्टेंबर महिन्यात ३२०.४९ रुपये होत होती. दरम्यान, काँग्रेचे प्रवक्ते रणदीप सुरजेवाला यांनी याप्रकरणी केंद्र सरकारवर टीका केली आहे.

दिल्ली आणि आजूबाजूच्या शहरातही रविवारी मध्यरात्रीपासून सीएनजी महाग झाले आहे. नोएडा आणि गाझियाबाद येथे १.९५ पैशांची वाढ करण्यात आली आहे.

विमान इंधनाच्या (एटीएफ) देशांतर्गत दरात २६५० रुपये प्रति किलालीटरची वाढ झाली आहे. ही वाढ १ ऑक्टोबरपासून लागू होईल. गेल्या महिन्यात एटीएफच्या दरात २२५० रुपये प्रति किलोलीटर वाढ झाली होती. या दरवाढीमुळे तिकीट दरात वाढ होण्याची शक्यता आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Lpg cylinder price hiked by rs 59 subsidised gas to cost rs 2 89 more

ताज्या बातम्या