Eknath Shinde vs Shivsena : शिवसेनेचे बंडखोर नेते एकनाथ शिंदे यांच्या गटातील शिवसेना आमदारांची संख्या वाढतच आहे. मुख्यमंत्री उद्धव ठाकरे यांनी समर्थक आमदारांच्या बैठकीत एकनाथ शिंदे यांची गटनेतेपदावरून हकालपट्टी केली. त्यानंतर आता तर शिंदे गटाने विधानसभा उपाध्यक्षांना पत्र पाठवून गटनेतेपदी एकनाथ शिंदे यांच्या नियुक्तीचं पत्र दिलं. तसेच गुवाहाटीतून आमदारांच्या पाठिंब्याचे फोटो, व्हिडीओ, पत्र जारी केले. यानंतर महाविकासआघाडीतील ज्येष्ठ नेते व राष्ट्रवादी काँग्रेसचे अध्यक्ष शरद पवार यांनी आक्रमक होत शिंदे गटाला बहुमत गुवाहटीतून नाही, तर मुंबईत येऊन विधीमंडळात सिद्ध करावं लागेल, असं सांगत सूचक इशारा दिला. या पार्श्वभूमीवर आज दिवसभरातील घडामोडींच्या प्रत्येक अपडेट्सचा आढावा.

Live Updates

Maharashtra Political Crisis Live Updates : महाराष्ट्रातील राजकीय संकट चौथ्या दिवशीही कायम, वाचा प्रत्येक अपडेट… | Read in English

आणखी वाचा
11:13 (IST) 24 Jun 2022
महाविकास आघाडीचं सरकार पडतंय यांचं मला अजिबात दुःख नाही – राजू शेट्टी

सांगली : राजू शेट्टी म्हणाले, “महाविकास आघाडीचं सरकार पडतंय याचं मला अजिबात दुःख नाही. कारण आम्ही दोन महिन्यापूर्वी या सरकारचा पाठिंबा काढून घेतलेला आहे. कारण हे सरकार आता जनताभिमुख राहिलेले नाही हे स्पष्ट होतं. भारतीय जनता पार्टी पाशवी वृत्ती दाखवून सरकार हस्तगत करत आहे.”

“भाजपाकडून मध्य प्रदेश, कर्नाटक आणि आता महाराष्ट्रामधील महाविकास आघाडीचे सरकार पाडलं जात आहे. हे लोकशाहीच्या दृष्टिकोनातून घातक आहे. भाजपाकडे ईडी, सी.बी.आय. इनकम टॅक्स हे तीन कार्यकर्ते आहेत आणि यांच्या माध्यमातूनच या सगळ्या उलथा पालथी होतात. हे स्पष्ट आहे,” असा गंभीर आरोप राजू शेट्टी यांनी केला.

11:09 (IST) 24 Jun 2022
बंडखोरांना कोणत्या महाशक्तीत विलीन व्हायचंय ते होऊ द्या, पण शिवसेना : संजय राऊत

संजय राऊत म्हणाले, “ही आता कायदेशीर लढाई आहे. पाहुया सर्वोच्च न्यायालयाचे निकाल काय म्हणतात? काहीजण म्हणतात आकडे ४० आहेत, काहीजण म्हणतात १४० आहेत. त्यांनी एक निर्णय घेतलाय, पण महाविकास आघाडीत तीन पक्ष आहेत. शिवसेनेचा आकडा कमी झालाय, पण ते आमदार जेव्हा शिवसेनेत येतील तेव्हा त्यांच्या निष्ठेची खरी कसोटी लागेल. आता काही लोक शरद पवारांना घरी जाऊ देणार नाही अशी धमकी देत आहेत. ही आपली संस्कृती आहे का? मोदी, शाह यांनी ऐकावं तुमचे खासदार काय बोलत आहेत. त्यांना कोणत्या महाशक्तीत विलीन व्हायचंय ते होऊ द्या, पण शिवसेना एक महासागर आहे.”

शिवसेना नेते एकनाथ शिंदे यांचं बड

महाराष्ट्रातील राजकीय संकट चौथ्या दिवशीही कायम आहे. शिवसेनेचे बंडखोर नेते एकनाथ शिंदे यांच्या गटातील शिवसेना आमदारांची संख्या वाढतच आहे.