मणिपूरमध्ये तणाव पुन्हा एकदा वाढला आहे. कारण मेईतेई संघटनेच्या कार्यकर्त्यांनी अतिरिक्त पोलीस अधीक्षकांचं अपहरण केलं आहे. इंफाळ पूर्व भागाचे अतिरिक्त पोलीस अधीक्षक अमित सिंग यांचं अपहरण करण्यात आल्याने मणिपूरमध्ये तणाव वाढला आहे. मणिपूर पोलिसांनी निवेदनात दिलेल्या माहितीनुसार, इंफाळ पूर्वेचे अतिरिक्त पोलीस अधीक्षक अमित सिंग यांची नंतर पोलीस आणि सुरक्षा दलांनी जलद कारवाई करत सुटका केली.

नेमकी काय घटना घडली?

अमित सिंग हे मणिपूर पोलीस दलात ऑपरेशन्स विंगमध्ये तैनात होते. त्यांना सध्या रुग्णालयात दाखल करण्यात आलं आहे. अमित सिंग यांची प्रकृती स्थिर असल्याचं सांगण्यात आलं आहे. मंगळवारी संध्याकाळी जवळपास अरामबाई तेंगगोलशी संबंधित २०० शस्त्रधारी लोक त्यांच्या घरात घुसले होते. यावेळी त्यांनी तोडफोड केली. इतकंच नाही तर गोळीबार करत मोठं नुकसानही केलं. हिंदुस्थान टाइम्सने हे वृत्त दिलं आहे.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Manipur police officer abducted as 200 gunmen storm house army called in scj
First published on: 28-02-2024 at 14:44 IST