उत्तर प्रदेशमधल्या मुरादाबाद जिल्ह्यातील एका गावात राहणाऱ्या १७ वर्षीय मुलीला तिच्या घराशेजारी राहणाऱ्या ३-४ जणांकडून छेडछाडीचा सामना करावा लागत होता. नेहमीच्या छेडछाडीला कंटाळून या मुलीने आत्महत्या केली आहे. आत्महत्येपूर्वी लिहिलेल्या सुसाईड नोटमध्ये तिने तिला त्रास देणाऱ्यांची नावं लिहिली आहेत. त्यात तिने चार जणांविरोधात छळ केल्याचा आणि पोलिसांनी याप्रकरणी कारवाई न केल्याचा आरोप केला आहे.

या मुलीच्या कुटुंबियांनी ८ मार्च रोजी त्यांच्या शेजारी राहणाऱ्या चार जणांविरोधात छेडछाड केल्याची तक्रार दाखल केली होती. या मुलीच्या कुटुंबियांनी दावा केला आहे की, पोलिसांनी याप्रकरणी कोणतीही कारवाई केली नाही.

1 lakh farmers waiting for crop insurance claim
बुलढाणा: सव्वादोन लाख शेतकऱ्यांना पिकविम्याची प्रतीक्षाच! मुख्यमंत्र्यांना साकडे
buldhana farmer suicide marathi news
दुष्टचक्र कायम…दिवसागणिक एक आत्महत्या; १२० शेतकऱ्यांनी…
Thane, Uttar Pradesh, steal,
उत्तरप्रदेशातून ठाण्यात नातेवाईकाकडे येऊन दागिने चोरायचे, ठाणे पोलिसांनी केली दोघांना अटक
land transfer, upper district collector,
जागा हस्तांतरणासाठी कोल्हापुरात अप्पर जिल्हाधिकाऱ्यांकडून १० लाखाची मागणी; भाजपच्या आरोपाने खळबळ
Chandrapur, criminals, crime, Chandrapur latest news,
महाकालीची नगरी ते गुन्हेगारांचे शहर, का बदलतेय चंद्रपूरची ओळख ? राजकारण्यांनी पोसून ठेवलेल्या…
Wardha, villagers, suspended police,
वर्धा : गावकऱ्यांनी काढली निलंबित पोलिसाची ‘वरात’! जाणून घ्या काय आहे प्रकार…
Madhya Pradesh Alirajpur suicide
मध्य प्रदेशात एकाच कुटुंबातील सर्व सदस्यांचा गळफास, बुराडी सामूहिक आत्महत्या प्रकरणाची पुनरावृत्ती, तारीखही तीच
Married woman commits suicide in farm with baby nashik
विवाहितेची बाळासह शेततळ्यात आत्महत्या

या मुलीने तिच्या सुसाईड नोटमध्ये लिहिलं आहे की, चार जण गेल्या अनेक दिवसांपासून तिला त्रास देत होते. त्यामुळे तिने त्यांची पोलिसांत तक्रार केली. परंतु पोलिसांनी त्यांच्यावर कोणतीही कारवाई केली नाही. कारण हे आरोपी ‘श्रीमंत’ आहेत. तिने तिच्या सुसाईड नोटमध्ये लिहिलं आहे की, “या लोकांनी माझं स्वप्न पूर्ण होऊ दिलं नाही. माझ्यात आता या लोकांचा सामना करण्याची हिंमत नाही. परंतु माझ्या कुटुंबियांना त्रास होऊ नये असं वाटतं. महोदय (अधिकारी), आता तरी तुम्ही माझं ऐकाल का? माझ्या मृत्यूनंतर तुम्ही या लोकांना शिक्षा द्या. जेणेकरून गरीबांच्या मुलीदेखील जगू शकतील आणि त्यांचं स्वप्न पूर्ण करू शकतील.”

हे ही वाचा >> ऑफिसमध्ये ओसामा बिन लादेनचा फोटो लावणं पडलं महागात; विद्युत विभागाच्या अभियंत्याने गमावली नोकरी

नराधम तिला चाकूचा धाक दाखवायचे

या चिठ्ठीत तिने आरोप केला आहे की, त्या नराधमांनी तिला मारण्याचा प्रयत्न केला. त्यांच्या भितीने तिने शाळेत जाणं बंद केलं होतं. कारण ते तिला त्रास द्यायचे. तिने पत्रात सांगितलं आहे की, “ते नराधम माझ्या आई-वडिलांना मारून टाकण्याची धमकी द्यायचे. घराच्या टेरेसवर चढून मला चाकूचा धाक दाखवायचे. माझ्या पालकांना हे समजल्यावर त्यांनी पोलिसांत तक्रार दाखल केली. पण पोलिसांनी काहीच केलं नाही.”

दरम्यान, मुरादाबाद पोलिसांनी याप्रकरणी दोघांना अटक केली आहे. विकेश आणि अमृत अशी त्यांची नावं आहे. तर इतर दोन जण फरार आहेत.