Bihar Crime News : गोमांस विकल्याच्या संशयावरून मुस्लीम व्यक्तिला मारहाण; १९ जणांवर गुन्हा, दोघांना अटक

तू गोमांस विकतो, म्हणत मुस्लीम व्यक्तिला मारहाण

‘द इंडियन एक्सप्रेस’ने पोलिसांच्या हवाल्याने दिलेल्या वृत्तानुसार, १६ ऑगस्ट रोजी दुपारी रहिमाबाद गावातील ५४ वर्षीय सरजुलुम कुरेशी नामक व्यक्ती त्याचे मटणांचे दुकान बंद करून घरी जात होता. त्यावेळी बांगरा रेल्वे क्रॉसिंगजवळ अचानक काही तरुणांनी त्याला अडवण्याचा प्रयत्न केला.यावेळी त्याच्याजवळ असलेल्या पिशवीत काय? अशी विचारणा करण्यात आली आहे. त्यानंतर तू गोमांस विकतो, असं म्हणत त्यांना मारहाण करण्यात आली. तसेच त्याच्या जवळ असलेले साडेसहा हजार रुपये सुद्धा त्यांनी हिसकून घेतले.

आणखी वाचा

Israel Attack on Hamas : हमास सरकारमधील तीन दहशतवाद्यांचा खात्मा, इस्रायलचा दावा; लष्कराने फोटोंसहित दिली माहिती!

२ ऑक्टोबर पंचांग: सर्वपित्री अमावस्या कोणासाठी ठरणार शुभ?…

धक्कादायक! १२ वर्षांपासून एमबीबीएसची परीक्षा उत्तीर्ण करू न शकणाऱ्या बोगस डॉक्टरकडून रुग्णावर उपचार; ६० वर्षीय व्यक्तीचा मृत्यू

इस्रायलचा युद्धविरामास नकार,अमेरिकेसह मित्रदेशांचा प्रस्ताव धुडकावला; हेजबोलाविरोधात संघर्ष सुरूच

मर्सिडिज बेंझला नोटीस देण्याच्या टायमिंगवर शंका; खासदार सुप्रिया सुळे म्हणाल्या, “शासनाने…”

नौदल अधिकाऱ्याची २२ लाखांची सायबर फसवणूक, सांताक्रुझ येथील आरोपीला अटक

भाजपा नेत्याची चमकोगिरी; मोदींच्या वाढदिवसानिमित्त केलं बोगस रक्तदान, व्हिडीओ व्हायरल होताच म्हणाले…

Hezbollah-Israel conflict: हेझबोलाने इस्रायलवर १४० क्षेपणास्त्र डागले, इस्रायलचाही प्रतिहल्ला; पेजर स्फोट झाल्यानंतर युद्धाला तोंड फुटले?

हेही वाचा – Ujjain Rape Case : इथे माणुसकी थिजली! महिलेवर बलात्कार होत होता अन् लोक तिला वाचवण्याऐवजी व्हिडीओ चित्रित करत बसले

व्हिडीओ व्हायरल झाल्यानंतर पोलिसांची कारवाई

दरम्यान, या ठिकाणी उपस्थित नागरिकांनी या घटनेचा व्हिडीओ मोबाईलमध्ये कैद केला. हा व्हिडीओ व्हायरल झाल्यानंतर १७ ऑगस्ट रोजी विद्यापीठ पोलीस ठाण्याचे पोलीस निरीक्षक फिरोज आलम यांनी याची दखल घेत स्व:हून तक्रार दाखल केली. याप्रकरणी १९ जणांविरोधात गुन्हा दाखल करण्यात आला. त्यानंतर २६ ऑगस्ट रोजी यांपैकी दोघांना अटक करण्यात आली. राजा आणि रोशन कुमार झा, अशी या दोघांची नावं असून ते कोणत्याही गौहत्याविरोधी संघटनेशी संबंधित नसल्याचे पोलिसांनी सांगितलं.

हेही वाचा – Kerala Actress : “दिग्दर्शक मला म्हणायचा तू मुलीसारखी आहेस, त्याने वर्षभर बलात्कार केला आणि..”, अभिनेत्रीची आपबिती

स्थानिक आमदारांनी घेतली पीडित व्यक्तीची भेट

या घटनेनंतर आरजेडीचे स्थानिक आमदार अख्तरुल इस्लाम शाहीन, आमदार आलोक कुमार मेहता आणि आमदार रणविजय साहू यांनी पीडित व्यक्तिच्या घरी जाऊन त्यांची भेट घेतली. “हे मॉब लिंचिंगचे प्रकरण असून याकडे दुर्लक्ष करून चालणार नाही” अशी प्रतिक्रिया आमदार अख्तरुल इस्लाम शाहीन यांनी दिली. याशिवाय समस्तीपूरचे भाजपा नेते रणजीत निर्गुणी म्हणाले, “पोलिसांनी ज्याप्रकारे मारहाण करणाऱ्यांवर कारवाई केली. तसाच कुरेशी यांच्यावरही गोमांस विक्रीचा गुन्हा व्हायला हवा होता.”