मोदींच्या भाषणामुळे भारताची नैतिक प्रतिष्ठा कमी; इस्रायलमधील क्नेसेटमधील भाषणावर काँग्रेसची टीका

काँग्रेसचे सरचिटणीस जयराम रमेश यांनी पंतप्रधानांच्या भाषणाचा निषेध केला. भारताने इस्रायलला निर्मितीवेळीच मान्यता दिल्याचे रमेश म्हणाले. नेहरूंनी लिहिलेल्या पत्राचा दाखला त्यांनी दिला. नेहरूंनी आइनस्टाइन यांना ११ जुलै १९४७ रोजी लिहिलेल्या पत्रात म्हटले आहे, ‘ज्यू समुदायाबद्दल मला खूप सहानुभूति आहे. पण, अरबांच्या दुर्दशेबद्दलही मला सहानुभूति आहे. हा मुद्दा दोन्ही बाजूंनी अतिशय भावनिक आता झाला आहे. ही समस्या सोडविण्यासाठी दोन्ही बाजूंनी प्रगल्भ नेते जोपर्यंत पुढाकार घेत नाहीत, तोपर्यंत मला या समस्येवर कुठलाही उपाय दिसत नाही.’

नेहरू पुढे पत्रात म्हणतात, ‘पॅलेस्टाईनमध्ये ज्यू व्यक्तींनी खूप चांगले काम केले आहे. तेथील लोकांचे जीवनमान उंचावले आहे. पण, एक बाब मला या ठिकाणी खटकते. इतकी उपलब्धी असूनही, अरबांच्या सदिच्छा मिळण्यात ते कमी का पडले? अरबांनी त्यांच्या मागण्या त्यांच्या इच्छेविरोधात सोडून द्याव्यात, असे त्यांना का वाटते?’