अमेरिकेच्या नासा या अंतराळ संशोधन संस्थेने नव्या सूर्यमालेचा शोध लावला आहे. 'केप्लर स्पेस' टेलिस्कोपद्वारे हा शोध घेण्यात आला आहे. नासाचे हे मोठे यश मानले जाते आहे. 'एएनआय' या वृत्तसंस्थेने या संदर्भातली बातमी दिली आहे. मिळालेल्या माहितीनुसार सध्या नासा गूगलसोबत 'एलियन वर्ल्ड'चा शोध घेते आहे. केप्लर स्पेस टेलिस्कोपद्वारे या नव्या सूर्यमालेचा शोध लावण्यात आला आहे. या सूर्यमालेत ८ ग्रह आहेत. नासाकडून या संदर्भातली कोणतीही घोषणा अद्याप करण्यात आलेली नाही. NASA finds another solar system with eight planets, just like ours Read @ANI story | pic.twitter.com/vd0Y2RMgU9 — ANI Digital (@ani_digital) December 15, 2017 आपल्या सूर्यमालेत ज्याप्रमाणे सूर्याभोवती ग्रह फिरत आहेत अगदी त्याचप्रमाणे नव्या सूर्यमालेतही एका ताऱ्याभोवती ग्रह फिरत आहेत. पृथ्वीसारखा एखादा ग्रह या सूर्यमालेत आहे की नाही हे अद्याप समजू शकलेले नाही. मात्र नव्या सूर्यमालेत 'केप्लर ९०' नावाच्या ताऱ्याभोवती चारही बाजूने इतर ग्रह फिरताना दिसत आहेत असे नासाने म्हटले आहे. ही नवी सूर्यमाला पृथ्वीपासून २ हजार ५४५ प्रकाश वर्षे लांब असल्याची माहितीही समोर आली आहे. नवी सूर्यमाला पृथ्वीच्या तुलनेत ३० टक्क्यांनी मोठी आहे. तुम्हाला भेट द्यायला आवडेल अशी ही सूर्यमाला नाही. असे मत अँड्र्यू व्हेंडरबर्ग या खगोलशास्त्रज्ञाने नोंदवले आहे. नवी सूर्यमाला कशी आहे या संदर्भातले काही व्हिडिओही नासाने त्यांच्या ट्विटर अकाऊंटवर शेअर केले आहेत. पाहा व्हिडिओ Our @NASAKepler mission's search for new planets teamed with machine learning to discover another solar system with an 8th planet that is 2,500 light-years away. Here’s what you need to know about the #Kepler90 discovery: pic.twitter.com/nqvLw5mlSv — NASA (@NASA) December 14, 2017 With the discovery of an 8th planet orbiting another star 2,500 light years away, we now have another solar system that ties ours for number of worlds! Learn about the #Kepler90 system: pic.twitter.com/S50CPwjfOm — NASA (@NASA) December 14, 2017