मेरा देश बदल रहा है… पहिल्यांदाच देशात पुरुषांपेक्षा महिलांची संख्या अधिक

देशात पहिल्यांदाच पुरुषांपेक्षा महिलांची संख्या जास्त नोंदवली गेली आहे. शहर आणि गावच्या लोकसंख्येत मोठी तफावत दिसून आली आहे.

more women than men
महिलांची वाढली लोकसंख्या (फोटो: PTI )

देशातील महिलांबाबत खूप चांगली बातमी आली आहे. देशात प्रथमच पुरुषांच्या तुलनेत महिलांची संख्या वाढली आहे. आता प्रत्येक १००० पुरुषांमागे १,०२० स्त्रिया आहेत. त्याचबरोबर हा विक्रमही स्वातंत्र्यानंतर पहिल्यांदाच झाला आहे ज्यात पुरुषांच्या तुलनेत महिलांची लोकसंख्या १००० च्या वर गेली आहे. आणखी एक चांगली बातमी म्हणजे जन्माच्या वेळी लिंग गुणोत्तर देखील सुधारले आहे. २०१५-१६ मध्ये, १००० मुलांमागे ९१९ मुली होत्या, ज्या २०१९-२१ मध्ये १००० मुलांमागे ९२९ मुली झाल्या आहेत.

गाव अजूनही शहराच्या पुढेच

नॅशनल फॅमिली हेल्थ सर्व्हे (NFHS-5) मधील डेटा गाव आणि शहरातील लिंग गुणोत्तराची तुलना करतो. सर्वेक्षणानुसार, शहरांच्या तुलनेत खेड्यांमध्ये लिंग गुणोत्तर चांगले आहे. खेड्यांमध्ये दर १,००० पुरुषांमागे १,०३७ महिला आहेत, तर शहरांमध्ये ९८५ महिला आहेत. याआधी NFHS-4 (२०१९-२०२०) मध्ये खेड्यांमध्ये १,००० पुरुषांमागे १,००९ महिला होत्या आणि शहरांमध्ये ही संख्या ९५६ होती.

( हे ही वाचा: भारतात लोकसंख्येचा स्फोट थांबणार?; देशात प्रजनन दरात घट, गर्भनिरोधकांचा सर्वाधिक वापर )

देशातील प्रजनन दरात घट

देशाच्या वाढत्या लोकसंख्येबाबत चांगली बातमी समोर येत आहे. खरं तर, राष्ट्रीय कुटुंब आरोग्य सर्वेक्षण-5 च्या दुसऱ्या टप्प्यानुसार, देशातील एकूण जननक्षमता दर (TFR) किंवा स्त्रीने जन्माला मुलांची सरासरी संख्या २.२ वरून २ वर आली आहे. तर गर्भनिरोधक प्रसार दर (CPR) देखील वाढला आहे आणि ५४ टक्क्यांवरून ६७ टक्क्यांपर्यंत वाढला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: National family health survey nfhs 5 for the first time in the country there are more women than men sex ration per 1000 male 1020 female ttg

ताज्या बातम्या