ईस्राईलचे पंतप्रधान बेंजामिन नेतान्याहू यांच्या कुत्र्याने पाहुण्यांना चावल्याच्या आरोपाखाली अटक करण्यात आली आहे. ही बातमी स्वत: बेजामिन यांनी फेसबुकवरुन दिली आहे. हन्नुकाह हा ज्यू नागरिकांचा सर्वात मोठा सण सुरु असताना ही घटना घडली. हन्नुकाह कार्यक्रमादरम्यान एका पार्टीचे आयोजन करण्यात आले होते. या पार्टीत कुत्र्याने शरीन हॉस्केल व कॅबिनेट मंत्र्यांच्या पतीचा चावा घेतला. इस्त्रायलच्या आरोग्य नियमानुसार जरी कुत्र्याला सर्व डोस वेळच्यावेळी दिले असतील किंवा तुमच्याकडे कुत्र्याला घरात ठेवण्याचा परवाना असेल तरी देखिल चावा घेणा-या कुत्र्याला दहा दिवसांचा तुरुंगवास भोगावा लागतो. कुत्र्याचे नाव काइया असून या वर्षी जुलैमध्ये प्राणी केंद्रातून बेंजामिन यांच्या मुलाने त्याला घरी आणले होते.
