Nitish Kumar Cabinet Portfolio: दोन दशकानंतर नितीश कुमार यांनी गृह खातं सोडलं, भाजपाच्या पारड्यात वजनदार खाती; पाहा यादी

सम्राट चौधरी यांच्याकडे गृहखाते देण्यात आल्यामुळे मंत्रिमंडळावर भाजपाची स्पष्टपणे पकड दिसून येत आहे. दुसरे उपमुख्यमंत्री विजय कुमार सिन्हा यांच्याकडे खाण आणि भूगर्भशास्त्र विभाग, जमीन आणि महसूल तर रामकृपाल यादव यांच्याकडे कृषी खात्याची जबाबदारी देण्यात आली आहे.

भाजपाच्या मंत्र्यांकडे मोठी खाती असल्याचे दिसून येत आहे. गृह, आरोग्य, रस्ते बांधकाम आणि कृषी यासह अनेक महत्त्वाची मंत्रालये भाजपाने स्वतःजवळ ठेवली आहेत.

नितीश कुमार यांनी दहाव्यांदा मुख्यमंत्रीपदाची शपथ घेतल्यानंतर दुसऱ्या दिवशी ही यादी जाहीर करण्यात आली आहे. २६ जणांच्या या मंत्रिमंडळात भाजपाचे १४, जदयूचे ९, लोजप (रामविलास) २, एचएएम आणि आरएलएम पक्षाला प्रत्येकी दोन मंत्रिपदे देण्यात आलेली आहेत.

बिहार निवडणूक निकाल

बिहार विधानसभा निवडणुकीत भाजपा, जनता दल (युनायटेड) आणि लोक जनशक्ती (रामविलास) पक्षाने जोरदार विजय मिळवत विरोधकांचे अशरक्षः पानिपत केले. एनडीएने स्पष्ट बहुमताचा आकडा पार केला. भाजपाने जदयुला बरोबर जोरदार मुसंडी मारल्याचे या निकालावरून दिसून आले. भाजपाने सर्वाधिक ८९ तर जदयुने ८५ जागांवर विजय मिळवला.

पाहा सविस्तर आकडेवारी