पेट्रोल ९ तर डिझेलच्या दरात ७ पैशांची कपात

दि. २९ मेपासून आतापर्यंत पेट्रोल ८३ पैसे आणि डिझेलच्या दरात ६१ पैशांनी कपात करण्यात आली आहे. कर्नाटक निवडणुकीनंतर सलग १६ दिवस दर वाढवले होते.

fuel price hike, Petrol, diesel
प्रतिकात्मक छायाचित्र

आंतरराष्ट्रीय बाजारपेठेत इंधनाचे दर घसरल्याचे परिणाम भारतीय बाजारात दिसत आहेत. आज सलग नवव्या दिवशी पेट्रोल आणि डिझेलच्या दरात तेल कंपन्यांनी कपात केली आहे. इंडियान ऑइल साइटने दिलेल्या वृत्तानुसार गुरूवारी कंपनीने लिटरमागे पेट्रोलचे दर ९ पैसे तर डिझेलचे दर ७ पैशांनी कमी केले आहेत.

बुधवारी पेट्रोलच्या दरात ११ पैसे आणि डिझेलच्या दरात ८ पैशांची कपात करण्यात आली होती. मंगळवारीही पेट्रोल १४ आणि डिझेल १० पैशांनी स्वस्त झाले होते. दरकपातीनंतर दिल्लीत पेट्रोल आणि डिझेल सर्वांत स्वस्त झाले आहे. दिल्लीत पेट्रोल ७७.२३ रूपये आणि डिझेल ६८.७३ रूपये प्रति लिटर आहे.

तर दुसरीकडे दर कपातीमुळे मुंबईत इंधनाचे दर सर्वाधिक आहे. मुंबईत दरकपातीनंतर पेट्रोल ८५.४५ रूपये आणि डिझेल ७३.१७ रूपये प्रति लिटर आहे. २९ मेपासून आतापर्यंत पेट्रोल ८३ पैसे आणि डिझेल ६१ पैशांनी स्वस्त झाले आहे.

दरम्यान, कर्नाटक निवडणुकीनंतर सलग १६ दिवस दर वाढवल्यानंतर २९ मे रोजी तेल कंपन्यांनी इंधनाचे दर कमी केले होते. तत्पूर्वी पेट्रोलियम मंत्री धर्मेंद प्रधान यांनी इंधनाचे दर तेल कंपन्या निश्चित करतात. यात सरकारची कोणतीच भूमिका नसल्याचे स्पष्ट केले होते. गत आठवड्यात कंपन्यांनी पेट्रोलच्या दरात अवघ्या एक रूपयांची कपात केली होती. त्यावेळी विरोधी पक्षांनी यावरून तेल कंपन्या आणि सरकारवर टीकास्त्र सोडले होते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Oil companies cuts petrol 9 paise and diesel 7 paise

ताज्या बातम्या