Makar Sankranti 2022: संक्रांतीनिमित्त सूर्यनमस्कार कार्यक्रमाचं आयोजन; १ कोटींहून अधिक लोक होणार सहभागी

१४ जानेवारी रोजी मकर संक्रांती आहे. या निमित्ताने एक सूर्यनमस्कार प्रात्यक्षिक कार्यक्रम होणार आहे.

Makar Sankranti 2022: संक्रांतीनिमित्त सूर्यनमस्कार कार्यक्रमाचं आयोजन; १ कोटींहून अधिक लोक होणार सहभागी
(प्रातिनिधीक फोटो मलायका अरोरा खान इन्स्टाग्राम)

१४ जानेवारी रोजी मकर संक्रांती आहे. या निमित्ताने एक सूर्यनमस्कार प्रात्यक्षिक कार्यक्रम होणार आहे. या कार्यक्रमात १ कोटींपेक्षा जास्त लोक योगासन करताना दिसतील, अशी आशा आयुष मंत्री सर्बानंद सोनोवाल यांनी व्यक्त केली आहे. ‘आझादी का अमृत महोत्सव’ उत्सवांतर्गत १४ जानेवारी रोजी मकर संक्रांतीच्या दिवशी होणाऱ्या जागतिक सूर्यनमस्कार कार्यक्रमासाठी आयुष मंत्रालयाने सर्व तयारी केली आहे, असे ते म्हणाले.

“हे सिद्ध सत्य आहे की सूर्यनमस्कारामुळे चैतन्य आणि प्रतिकारशक्ती निर्माण होते आणि त्यामुळे करोनाला दूर ठेवता येते. आम्ही या कार्यक्रमात ७५ लाख लोक सहभागी होण्याचे उद्दिष्ट ठेवले आहे, परंतु नोंदणी आणि आमची तयारी पाहता, हा आकडा १ कोटींपर्यंत वाढण्याची शक्यता आहे. आयुष मंत्रालयाने पंतप्रधान नरेंद्र मोदी यांच्या मार्गदर्शनाखाली आणि मार्गदर्शनाखाली हा कार्यक्रम सुरू केला आहे,” असं सोनोवाल यांनी सांगितलं.

भारतीय योग संघटना, राष्ट्रीय योग क्रीडा महासंघ, योग प्रमाणन मंडळ, एफआयटी इंडिया यासारख्या भारतातील आणि परदेशातील आघाडीच्या योग संस्थांनी, इतर सरकारी आणि गैर-सरकारी संस्थांनी या जागतिक कार्यक्रमात भाग घेणे अपेक्षित आहे. या व्हर्चुअल बैठकीत आयुष राज्यमंत्री डॉ. मुंजपारा महेंद्रभाई म्हणाले की, “सूर्यनमस्कार मन आणि शरीराला नवसंजीवनी देतो.”

दरम्यान, सहभागी आणि योग उत्साही लोक संबंधित पोर्टलवर स्वतःची नोंदणी करू शकतात आणि त्यांना १४ जानेवारी रोजी सूर्यनमस्कार करतानाचे व्हिडिओ अपलोड करावे लागतील. नोंदणी लिंक संबंधित वेबसाइटवर उपलब्ध आहेत आणि आयुष मंत्रालयाकडून मोठ्या प्रमाणावर वितरित केल्या जातात.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
दाऊद इब्राहिमचा पुतण्या सोहेल कासकर फरार, भारतीय तपास यंत्रणांच्या प्रयत्नांना मोठा धक्का!
ताज्या बातम्या
फोटो गॅलरी