‘ओपेक प्लस’ देशांकडून तेल उत्पादनात वाढ

लंडन : अमेरिका आणि इराण यांच्यात सुरू असलेल्या युद्धामुळे होर्मुझच्या सामुद्रधुनीतून होणारी तेलवाहतूक ठप्प आहे. असे असतानाही ‘ओपेक प्लस’ या प्रमुख तेल उत्पादक देशांच्या गटाने रविवारी खनिज तेलाच्या उत्पादनात सलग चौथ्यांदा वाढ करण्याचा निर्णय घेतला आहे. यानुसार जुलै महिन्यापासून दररोज १ लाख ८८ हजार बॅरल्स अतिरिक्त तेल उत्पादन करण्यात येणार आहे. असे असले तरीही या वाढीचा परिणाम बाजारात तात्काळ दिसण्याची शक्यता कमी असल्याचे तज्ज्ञांचे मत आहे.