नाराज शत्रुघ्न सिन्हांबद्दल विरोधकांना सहानुभूती

भाजपने शत्रुघ्न सिन्हा यांचा अपमान केल्याचा आरोप राष्ट्रीय जनता दलाचे अध्यक्ष लालूप्रसाद यादव यांनी केला आहे.

भाजपचे खासदार शत्रुघ्न सिन्हा पक्षाला नाराज असताना विरोधी संयुक्त जनता दल व राष्ट्रीय जनता दलाने त्यांना सहानुभूती दाखवली आहे. भाजपने शत्रुघ्न सिन्हा यांचा अपमान केल्याचा आरोप राष्ट्रीय जनता दलाचे अध्यक्ष लालूप्रसाद यादव यांनी केला आहे.

तर लालकृष्ण अडवाणी, मुरलीमनोहर जोशी यांच्यासह शत्रुघ्न सिन्हा यांना भाजपच्या सध्याच्या नेतृत्वाने बाजूला सारले आहे अशी टीका जनता दलाचे सरचिटणीस के.सी. त्यागी यांनी केली आहे. पंतप्रधान नरेंद्र मोदी व पक्षाध्यक्ष अमित शहा यांच्या कार्यपद्धतीवर आक्षेप घेतल्यानेच या नेत्यांना बाजूला केल्याची टीका त्यागी यांनी केली आहे. बिहार विधानसभा निवडणुकीच्या निकालानंतर पक्षात या नाराजीचा स्फोट होईल असा दावाही त्यांनी केला आहे. भाजपने मात्र सिन्हा यांच्या नाराजीला विशेष महत्त्व दिलेले नाही.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Opposition leader give sympathy to shatrughan sinha

ताज्या बातम्या