पहलगामच्या सुरक्षा व्यवस्थेत वाढ; दहशतवादी हल्ल्याला एक वर्ष पूर्ण होत असताना खबरदारी

एकीकडे, पर्यटकांची पावले पुन्हा एकदा काश्मीरकडे वळत आहेत. गेल्या वर्षीच्या कटू स्मृती आणि भीती बाजूला ठेवून अनेक पर्यटक पहलगामला जात आहेत. मात्र, सुरक्षा व्यवस्थेत कोणतीही उणीव राहू नये यासाठी खबरदारी घेतली जात आहे. सर्व सुरक्षा संस्थांना काश्मीरमधील पर्यटन स्थळी सतर्क राहण्याच्या सूचना देण्यात आल्या आहेत, अशी माहिती अधिकाऱ्यांनी दिली. सज्जतेचा आढावा घेण्यासाठी बैठका घेण्यात आल्या असून वरिष्ठ अधिकाऱ्यांनी सुरक्षा व्यवस्थेची पाहणी केली आहे, असे अधिकाऱ्यांनी सांगितले.

गेल्या वर्षीच्या पहलगाम हल्ल्यानंतर भारताने ‘ऑपेरशन सिंदूर’ राबवून पाकिस्तानात हल्ला चढवला आणि तेथील दहशतवादी तळ उद्ध्वस्त केले होते. त्या हल्ल्यामुळे भारत आणि पाकिस्तानचे आधीच ताणलेले संबंध अधिक बिघडले. दोन्ही देशांनी एकमेकांना हवाई हद्द बंद केली आहे, ती अद्याप सुरू झालेली नाही. तसेच व्यापारही बंद आहे.