लख्वीच्या जामिनाविरोधात अपील करण्यात पाकिस्तान अपयशी

मुंबईवरील २६/११ हल्ल्यामागील मुख्य सूत्रधार झकीउर रेहमान लख्वी याला देण्यात आलेल्या जामिनाविरोधात अपील अर्ज दाखल करण्यात पाकिस्तान सरकार ‘अयशस्वी’ ठरले.

मुंबईवरील २६/११ हल्ल्यामागील मुख्य सूत्रधार झकीउर रेहमान लख्वी याला देण्यात आलेल्या जामिनाविरोधात अपील अर्ज दाखल करण्यात पाकिस्तान सरकार ‘अयशस्वी’ ठरले. इस्लामाबाद दहशतवादविरोधी न्यायालयाने दिलेल्या आदेशाची प्रत पाकिस्तान सरकारला मिळवता आली नाही आणि म्हणूनच सरकारला या जामीन अर्जाविरोधात अपील करता आले नाही.
लख्वी याला १८ डिसेंबर रोजी इस्लामाबाद दहशतवादविरोधी न्यायालयाने जामीन दिला होता. मुंबई हल्लाप्रकरणी लख्वीविरोधात पुरेसे पुरावे नसल्याचे कारण न्यायालयाने या वेळी दिले होते. मात्र पेशावर येथील शालेय विद्यार्थ्यांवर अतिरेक्यांनी केलेल्या भीषण हल्ल्याच्या पाश्र्वभूमीवर या न्यायालयीन निर्णयाने अनेकांच्या भुवया उंचावल्या. भारतासह अनेक देशांनी यावर टीका केली. त्यामुळे पाकिस्तान सरकारने सार्वजनिक कायदा व सुव्यवस्था कायम राहावी यासाठी सरकारने लख्वीची प्रत्यक्ष सुटका होण्यापूर्वीच त्याच्या कारावासात तीन महिन्यांनी वाढ केली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pakistan government fails to challenge bail order of zakiur rehman lakhvi

Next Story
पेट्रोल, डिझेल, एलपीजी दरात पुढील आठवडय़ात वाढ?
ताज्या बातम्या