परवेज मुशर्रफ आत्मघाती हल्ल्यातून बचावले

पाकिस्तानचे माजी अध्यक्ष व हुकूमशहा परवेझ मुशर्रफ यांना इस्लमाबादमधील एका हल्ल्याला समोरे जावे लागले. मिळालेल्या माहितीनुसार, इस्लमाबादमध्ये झालेल्या बॉम्बस्फोटात परवेझ मुशर्रफ थोडक्यात बचावले

पाकिस्तानचे माजी अध्यक्ष व हुकूमशहा परवेझ मुशर्रफ यांना इस्लमाबादमधील एका हल्ल्याला समोरे जावे लागले. मिळालेल्या माहितीनुसार, इस्लमाबादमध्ये झालेल्या बॉम्बस्फोटात परवेझ मुशर्रफ थोडक्यात बचावले. बॉम्बस्फोट होताच तेथून सुरक्षितरित्या निघून जाण्यात मुशर्रफ यांना यश आले.
मंगळवारी राजद्रोहाच्या आरोपाखाली पाकिस्तानी न्यायालयाने मुशर्रफ यांना दोषी ठरविले आहे. गुन्हेगारी खटल्याला सामारे जाणारे ते पहिले लष्करशहा आहेत. त्यांना नोव्हेंबर २००७ मध्ये देशात आणीबाणी लादणे तसेच कलम ६ अन्वये राज्यघटना निलंबित करण, न्यायाधीशांची धरपकड करणे या आरोपानुसार राजद्रोहाखाली दोष ठरवण्यात आले. या प्रकरणात त्यांना मृत्युदंडाची शिक्षा होऊ शकते.दरम्यान आजारी आईला भेटण्यासाठी संयुक्त अरब अमिरातीत जाऊ देण्याची मुशर्रफ यांची मागणी न्यायालयाने फेटाळली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Pakistan pervez musharraf survives assassination bid in islamabad