पाकिस्तानी नागरिकानं केलं मतदान; आधार, रेशन कार्ड असल्याचाही दावा, परत जाताना म्हणाला, "१७ वर्ष भारतात..."

Pakistani National Osama Have Indian Identity: पहलगाम हल्ल्यानंतर भारताने देशातील सर्व पाकिस्तानी नागरिकांना देश सोडण्याचे आदेश दिले होते. त्यानुसार अटारी सीमेवर पाकिस्तानला जाण्यासाठी लोकांच्या रांगा लागल्या आहेत. यातील काहींनी धक्कादायक माहिती दिल्याचे समोर आले.

पाकिस्तान नागरिक ओसामाने अटारी सीमेवरून पाकिस्तानात जाताना अनेक धक्कादायक दावे केले.

Pakistani National Osama Have Indian Identity: जम्मू आणि काश्मीरमधील पहलगाममध्ये झालेल्या दहशतवादी हल्ल्यात २६ पर्यटकांचा मृत्यू झाल्यानंतर केंद्र सकारने पाकिस्तानविरोधात कडक पाऊले उचलली असून देशातील पाकिस्तानी नागरिकांना देश सोडण्याचे आदेश दिले. त्यानंतर देशभरातील विविध राज्यातील पाकिस्तानी नागरिक अटारी सीमेतून पाकिस्तानमध्ये जात आहेत. २४ एप्रिल पासून आतापर्यंत ७८६ पाकिस्तानी नागरिकांनी सीमा ओलांडली आहे. आज ओसामा नावाच्या तरूणाने भारतातून पाकिस्तानमध्ये जाण्यापूर्वी एएनआय वृत्तसंस्थेशी संवाद साधत असताना अनेक धक्कादायक दावे केले आहेत. त्याच्याकडे भारतीय आधार कार्ड, रेशन कार्ड आणि मतदान ओळखपत्र असल्याचा दावा त्याने केला आहे.

काय म्हणाला ओसामा?

एएनआय वृत्तसंस्थेशी बोलताना ओसामा म्हणाला की, माझे पदवीचे शिक्षण सुरू असताना मला आता भारतातून जावे लागत आहे, याबद्दल खूप दुःख वाटत आहे. पदवी पूर्ण करून नोकरी मिळविण्याचे माझे स्वप्न आता अधुरेच राहिल. २००८ साली आम्ही भारतात आलो. तब्बल १७ वर्षांपासून मी भारतात राहत असून माझी दहावी, बारावी आणि पुढील शिक्षण इथेच झाले. भारत सरकारने आम्हाला पुन्हा पाठविण्याचा तडकाफडकी निर्णय न घेता थोडा विचार करायला हवा होता.

ओसामा पुढे म्हणाला, “माझ्याकडे आधार कार्ड, रेशन कार्ड आणि मतदार ओळखपत्र आहे. मी एकदा मतदानही केले. मी इथेच शिक्षण घेऊ इच्छितो. आता पाकिस्तानात गेलो तर मला काहीही करता येणार नाही. तिथे माझे भविष्य नाही.”

हेही वाचा

Pahalgam Terror Attack: “माझा पासपोर्ट भारतीय आणि मुले पाकिस्तानी”, अटारी सीमेवर दाखल झालेल्या वाजिदा खान म्हणाल्या, “…तर खूप उपकार होतील”

#WATCH | Attari, Punjab: Osama, a Pakistani national returning to Pakistan via Attari Border, says, "…I am currently pursuing my bachelor's degree. I wanted to appear for job interviews after my examinations. I have been staying here for the last 17 years. I appeal to the… pic.twitter.com/S8dTV92fhC
— ANI (@ANI) April 30, 2025

ओसामा सारख्या अनेक पाकिस्तानी नागरिकांची अटारी सीमेवर गर्दी झाली असून त्यांनी त्यांचा भारतातील अनुभव कथन केला आहे. पहलगाममधील हल्ल्याबाबत प्रश्न विचारला असता ओसामा म्हणाला की, पहलगाममध्ये झालेला हल्ला मानवतेला कलंक आहे. या हल्ल्यासाठी जे जबाबदार आहेत, त्यांना शोधून कठोर शिक्षा द्यायला हवी.

This quiz is AI-generated and for edutainment purposes only.

हेही वाचा

देशासाठी शहीद झालेल्या जवानाच्या आईला पाकिस्तानात धाडण्याचा पोलिसांचा निर्णय? उरीतली घटना नेमकी काय?

भाजपाचे खासदार निशिकांत दुबे यांनी पाकिस्तानमधील मुली लग्न करून भारतात येत असल्याबाबत चिंता व्यक्त केली आहे. एक्सवर केलेल्या पोस्टमध्ये ते म्हणाले, पाकिस्तानी दहशतवादाचा हा नवा चेहरा समोर आला आहे. पाच लाखांहून अधिक पाकिस्तानी मुली लग्न करून भारतात आल्या आहेत. आपले शत्रू आतपर्यंत घुसले आहेत, अशावेळी त्यांच्याशी कसे लढायचे? ही परिस्थिती आपल्याला गंभीर इशारा देत आहे.

Web Title: Pakistani national osama says he has indian voter id aadhar card and ration card cast vote also video sparks debate kvg

पाकिस्तानी नागरिकानं केलं मतदान; आधार, रेशन कार्ड असल्याचाही दावा, परत जाताना म्हणाला, “१७ वर्ष भारतात…”

काय म्हणाला ओसामा?