'जम्मू काश्मीरमध्ये सर्व काही सामान्य' म्हणणाऱ्या अमित शाहांवर मेहबुबा मुफ्ती, म्हणाल्या "ढोल बडवत फिरताय आणि मी इथे..." | PDP Chief Mehbooba Mufti targets Central Home Minister BJP Amit Shah over Jammu Kashmir Visit sgy 87 | Loksatta

‘जम्मू काश्मीरमध्ये सर्व काही सामान्य’ म्हणणाऱ्या अमित शाहांवर मेहबुबा मुफ्ती संतापल्या, म्हणाल्या “ढोल बडवत फिरताय आणि मी इथे…”

आपल्याला नजरकैदेत ठेवण्यात आलं आहे, मेहबुबा मुफ्तींचा दावा

‘जम्मू काश्मीरमध्ये सर्व काही सामान्य’ म्हणणाऱ्या अमित शाहांवर मेहबुबा मुफ्ती संतापल्या, म्हणाल्या “ढोल बडवत फिरताय आणि मी इथे…”
आपल्याला नजरकैदेत ठेवण्यात आलं आहे, मेहबुबा मुफ्तींचा दावा

पिपल्स डेमोक्रॅटिक पक्षाच्या अध्यक्षा मेहबुबा मुफ्ती यांनी आपल्याला श्रीनगरमधील घरी नजरकैदेत ठेवण्यात आल्याचा दावा केला आहे. बारामुल्ला जिल्ह्यातील पट्टण येथे प्रवास करण्यापासून आपल्याला रोखण्यात आलं असल्याचा आरोप त्यांनी केला आहे. केंद्रीय गृहमंत्री अमित शाह तीन दिवसांच्या जम्मू काश्मीर दौऱ्यावर असून बारामुल्ला जिल्ह्यात सभेला संबोधित करणार आहेत. पट्टण येथे ही सभा होणार आहे. याआधी श्रीनगरमध्ये त्यांनी बैठक घेत सुरक्षेचा आढावा घेतला.

Jammu Kashmir: लष्कराने तीन दिवसात घेतला बदला, अधिकाऱ्याच्या हत्येत सहभागी दहशतवाद्यांना केलं ठार, चकमक अद्यापही सुरु

मेहबुबा मुफ्ती यांनी आपल्या घराच्या गेटचा फोटो ट्वीट करत नजरकैदेत ठेवण्यात आल्याचा दावा केला आहे. जम्मू काश्मीर पोलिसांनीही तात्काळ उत्तर देत त्यांच्यावर कोणतंही बंधन नसून, त्या हवं तिथे फिरु शकतात असं स्पष्ट केलं. जम्मू काश्मीर पोलिसांनी केलेल्या ट्वीटनंतर मेहबुबा मुफ्ती यांनी त्यांचा दावा फेटाळला असून, ते खोटं बोलत असल्याचा आरोप केला आहे.

मेहबुबा मुफ्तींचं ट्वीट काय?

“गृहमंत्री जम्मू काश्मीरमध्ये सर्व काही सामान्य झालं असल्याचं ढोल बडवून सांगत आहेत. पण मला घरामध्ये नजरकैदेत ठेवण्यात आलं आहे. एका कार्यकर्त्याच्या लग्नासाठी मला पट्टणला जायचं होतं. जर एका माजी मुख्यमंत्र्यांचे मुलभूत अधिकार अशाप्रकारे काढून घेतले जात असतील, तर सर्वसामान्याचं काय होत असेल याचा विचार आपण करु शकतो,” असं मुफ्ती मोहम्मद यांनी म्हटलं आहे.

अमित शाह यांच्या दौऱ्याच्या पार्श्वभूमीवर पोलिसांनी श्रीनगर आणि बारामुल्लादरम्यान ५० किमी हायवेवर निर्बंध लावले आहेत. वाहतुकीच्या मार्गातही बदल करण्यात आले आहेत.

पोलिसांना फेटाळला दावा

पोलिसांनी मेहबुबा मुफ्ती यांचा दावा फेटाळत त्यांनीच आपला गेट बंद केला असल्याचं म्हटलं आहे. त्यांच्यावर कोणतेही बंधन नसल्याचा दावा पोलिसांनी केला असून, सोबत गेटचा फोटोही शेअर केला आहे.

मेहबुबा मुफ्तींचं प्रत्युत्तर

मेहबुबा मुफ्ती यांनी पोलिसांचे हे आरोप फेटाळले आहेत. त्यांनी ट्वीट करत म्हटलं आहे की “मला रात्री पोलीस महासंचालकांनी पट्टणला तुम्ही प्रवास करु शकत नाही असं सांगितलं. आज जम्मू काश्मीर पोलिसांनी स्वत:हून माझ्या घराचा गेट आतून बंद केला आणि उघडपणे खोटं बोलत आहेत. यंत्रणाच अशाप्रकारे वागत आहेत याचं वाईट वाटतं”.

अमित शाह तीन दिवसांच्या जम्मू काश्मीर दौऱ्यावर असून राजौरी जिल्ह्यात त्यांनी एका सभेला संबोधित केलं. अमित शाह यांनी दहशतवाद्यांशी लढताना मृत्यू झालेल्या पोलीस कर्मचाऱ्यांच्या कुटुंबीयांची भेटही घेतली. बुधवारी ते बारामुल्ला येथे एका सभेला संबोधित करणार आहेत.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Dasara 2022: धार्मिक असंतुलन नजरेआड करून चालणार नाही, सरसंघचालक मोहन भागवत यांचे विधान

संबंधित बातम्या

शिवसेनेतील बंडखोरीच्या सर्व याचिकांवर सुनावणी होणार, तारीख सांगत सरन्यायाधीश म्हणाले, “घटनापीठात…”
विवेक अग्निहोत्रीने मागितली विनाअट माफी, मात्र, दिल्ली उच्च न्यायालय म्हणाले, “एवढं पुरेसं नाही, तर…”
एक्झिट पोलचे अंदाज किती खरे किती खोटे? अरविंद केजरीवाल यांनी दिली प्रतिक्रिया, म्हणाले “मतमोजणी होईपर्यंत…”
Gujarat Election Exit Poll: गुजरातमध्ये ‘सातवी बार भाजपा सरकार’चा अंदाज! केजरीवालांची पहिली प्रतिक्रिया; म्हणाले, “एका नव्या..”
Moose Wala Murder: “मला जिवंत पकडणं तुम्हाला शक्य नाही,” मास्टरमाइंड गोल्डी ब्रारचं थेट मुख्यमंत्र्यांना आव्हान, व्हिडीओ व्हायरल

व्हिडिओ

ताज्या बातम्या
दिव्या अग्रवालच्या मराठमोळ्या बॉयफ्रेंडने दिलेल्या अंगठीने वेधलं सर्वांचेच लक्ष, अंगठीवर लिहिलंय…
Maharashtra Karnataka Border Dispute : “ हा संपूर्ण विषय मी अमित शाहांच्या कानावर घालणार आहे, कारण…”; देवेंद्र फडणवीसांचं विधान!
अंगभर कपडे घालूनही मलायका झाली ट्रोल, नेटकरी म्हणाले “अगं थोडी लाज बाळग…”
“जगणंही कठीण झालं होतं कारण…” आमिर खानने सांगितला ‘तो’ प्रसंग, अभियक्षेत्रातील करिअरबाबतही केलं भाष्य
पुणे : विद्रोही साहित्य संस्कृती संमेलनात गणेश देवी, डॉ. आ. ह. साळुंखे यांचा सहभाग