आंतरराष्ट्रीय बाजारात कच्च्या तेलाच्या किमतीत घट; पेट्रोल-डिझेलच्या किमती कधी कमी होणार?

WTI क्रूडच्या किमतींमध्ये आज ०.४५ टक्क्यांची घट झाली आहे. ७५.६० डॉलर प्रति बॅरलनं विकलं जात आहे.

lifestyle
सरकारी तेल कंपन्यांनी (IOCL) मंगळवारी पेट्रोल डिझेलचे नवे दर जाहीर केले. (photo: file photo)

आंतरराष्ट्रीय बाजारात दररोज कच्च्या तेलाच्या किमतींमध्ये घट पाहायला मिळत आहे. पण देशात पेट्रोल-डिझेलच्या किमती आज सलग १८व्या दिवशीही स्थिर आहेत. या महिन्यात आतापर्यंत सरकारी तेल कंपन्यांकडून पेट्रोल-डिझेलच्या किमतींमध्ये कोणतीही घट करण्यात आलेली नाही.
केंद्र सरकारनं दिवाळीपूर्वी पेट्रोल आणि डिझेलच्या उत्पादन शुल्कात घट केल्याने पेट्रोल-डिझेल स्वस्त झालं होतं.

WTI क्रूडच्या किमतींमध्ये आज ०.४५ टक्क्यांची घट झाली आहे. ७५.६० डॉलर प्रति बॅरलनं विकलं जात आहे. याव्यतिरिक्त ब्रेंट क्रूडच्या किमतींमध्ये ०.४९ टक्क्यांची घट पाहायला मिळाली आहे. त्यानंतर याची किंमत ७५.६०डॉलर प्रति बॅरल इतकी झाली आहे.

जाणून घ्या इंधनाचे नवे दर

देशात आज पेट्रोल-डिझेलच्या किमती स्थिर आहेत. आज मुंबईत पेट्रोलची किंमत १०९.९८ रुपये प्रति लिटर आहे. तर डिझेलची किंमत ९४.१४ रुपये प्रति लिटर इतकी आहे. तर दिल्लीत पेट्रोलची किंमत १०३.९७ रुपये प्रति लिटर, तर डिझेलची किंमत ८६.६७ रुपये प्रति लिटर इतकी आहे. तर चेन्नईमध्ये पेट्रोल १०१.४० रुपये प्रति लिटरनं आणि डिझेल ९१.४३ रुपये प्रति लिटरनं विकलं जात आहे. तर कोलकातामध्ये डिझेलची किंमत ८९.७९ रुपये आणि पेट्रोल १०४.६७ रुपयांनी विकलं जात आहे.

केंद्र सरकारनं दिवाळीच्या एक दिवस आधी पेट्रोलवरील उत्पादन शुल्कात ५ रुपये प्रति लिटर, तर डिझेलवर १० रुपये प्रति लिटर कपात केली होती. त्यानंतर अनेक राज्यांनीही पेट्रोल-डिझेलवरील व्हॅट कमी करत सातत्यानं वाढणाऱ्या पेट्रोल-डिझेलच्या किमतींपासून दिलासा दिला होता.

अनेक शहरांत पेट्रोल अजूनही शंभरीपार

मध्यप्रदेश, राजस्थान, महाराष्ट्र, आंध्र प्रदेश, तेलंगाना, कर्नाटक, ओडिशा, जम्मू-कश्मीर आणि लद्दाखमध्ये पेट्रोलचे दर १०० रुपयांहूनही अधिक आहेत. मुंबईतील पेट्रोलचे दर सर्वाधिक आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Petrol diesel price on 22 november 2021 in delhi mumbai chennai and kolkata vsk

ताज्या बातम्या