पेट्रोल, डिझेलच्या दरांत पुन्हा वाढ

१७ मार्च रोजीच पेट्रोल-डिझेलच्या दरांमध्ये अनुक्रमे तीन रुपये व १ रुपये ९० पैसे इतकी वाढ झाली होती.

जागतिक स्तरावर तेलाचे दर कोसळले असतानाच पेट्रोल आणि डिझेल यांच्या दरांत वाढ करण्यात येत असल्याची घोषणा सरकारने सोमवारी केली. गेल्या पंधरवडय़ातील ही दुसरी दरवाढ आहे. यामुळे पेट्रोल लिटरमागे २ रुपये १९ पैशांनी, तर डिझेल लिटरमागे ९८ पैशांनी महागणार आहे. ही वाढ सोमवारी मध्यरात्रीपासून अंमलात आली आहे. दिल्लीत आता पेट्रोलचा दर सध्याच्या ५९.६८ रुपये लिटरवरून ६१.८७ रुपये इतका असेल. तर डिझेलचा दर ४८.३३ वरून ४९.३१ रुपये इतका होईल.
१७ मार्च रोजीच पेट्रोल-डिझेलच्या दरांमध्ये अनुक्रमे तीन रुपये व १ रुपये ९० पैसे इतकी वाढ झाली होती. येत्या पंधरवडय़ात पेट्रोलच्या दरांत दुसऱ्यांदा तर डिझेलच्या दरांत चौथ्यांदा वाढ झाली आहे. पेट्रोल व डिझेलचे आंतरराष्ट्रीय दर तसेच रुपये व डॉलरच्या विनिमय दरांच्या अनुसार ही वाढ करण्यात आली आहे. त्यामुळे त्याचा ग्राहकांवर मोठा बोजा पडणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Petrol diesel prices increased again

ताज्या बातम्या