इंधन दरवाढीने सामान्य पुन्हा हैराण; पेट्रोल डिझेलच्या किमतीत आठवड्यात सलग चौथ्यांदा वाढ

देशातील बहुतांश ठिकाणी पेट्रोल १०० प्रति लिटरच्या पुढे विकले जात आहे.

Petrol diesel prices today rates hiked 30 october check rate

पेट्रोल आणि डिझेलच्या दरात आठवड्यात आज सलग चौथ्या दिवशी वाढ झाली आहे. इंडियन ऑइल कॉर्पोरेशन लिमिटेडच्या वेबसाइटनुसार, शनिवारी पेट्रोल आणि डिझेलच्या ताज्या किमतींमध्ये ३५ पैशांनी वाढ झाली आहे. देशाची राजधानी दिल्लीत पेट्रोल १०८.९९ रुपये प्रति लिटर, मुंबईत ११४.८१ रुपये प्रति लिटरने विकले जात आहे. त्याच वेळी, दिल्लीत डिझेल ९७.७२ रुपये प्रति लिटर आणि मुंबईत १०५.८६ रुपये प्रति लिटर विकले जात आहे.

छत्तीसगड आणि महाराष्ट्राच्या सीमेला लागून असलेल्या मध्य प्रदेशातील बालाघाट जिल्ह्यात पेट्रोलच्या दराने नवा विक्रम केला आहे. बालाघाटमध्ये एक लिटर पेट्रोलची किंमत १२०.०६ रुपये आहे. तर डिझेल १०९.३२ रुपये प्रतिलिटर आहे. पेट्रोल आणि डिझेल या दोन्ही वाहनांच्या इंधनाच्या दरात वाढ झाल्याने जनता हैराण झाली आहे

गेल्या महिन्यापासून पेट्रोलचे दर वाढू लागले आहेत. ऑक्टोबरमध्ये पेट्रोल सात रुपये ३५ पैशांनी महागले आहे. देशभरातील काही शहरांमध्ये पेट्रोल १२० रुपयांपर्यंत विकले जात आहे.

देशातील बहुतांश ठिकाणी पेट्रोल १०० प्रति लिटरच्या पुढे विकले जात आहे. त्याच वेळी, डिझेलबद्दल बोलायचे झाले तर, मध्य प्रदेश, राजस्थान, ओरिसा, आंध्र प्रदेश, तेलंगणा, गुजरात, महाराष्ट्र, छत्तीसगड, बिहार, कर्नाटक, केरळ, गुजरात, गोवा यासह इतर अनेक राज्यांमध्ये दर १०० च्या पुढे गेले आहेत.

परकीय चलन दरांसह आंतरराष्ट्रीय बाजारपेठेतील क्रूड ऑईलच्या किमतीच्या आधारे पेट्रोल आणि डिझेलच्या किमती दररोज बदलतात. तेल विपणन कंपन्या किमतींचा आढावा घेऊन दररोज पेट्रोल आणि डिझेलचे दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम दररोज सकाळी सहा वाजता पेट्रोल आणि डिझेलचे दर बदलतात.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Petrol diesel prices today rates hiked 30 october check rate abn

Next Story
शांत व आरोग्यदायी झोपेसाठी सेंद्रिय बिछाना
ताज्या बातम्या