सर्वसामान्यांची थट्टा, पेट्रोल ६० पैसे नव्हे तर अवघ्या एक पैशाने स्वस्त

पेट्रोल-डिझेलच्या दररोज वाढणाऱ्या किंमतीला वैतागलेल्या नागरिकांना आज सकाळी तेलकंपन्यांनी दिलासा दिला. परंतु, हा दिलासा औट घटकेचाच ठरला.

(संग्रहित छायाचित्र)

पेट्रोल-डिझेलच्या दररोज वाढणाऱ्या किंमतीला वैतागलेल्या नागरिकांना आज सकाळी तेलकंपन्यांनी दिलासा दिला. परंतु, हा दिलासा औट घटकेचाच ठरला. तेलकंपन्यांनी बुधवारी पेट्रोल ६० पैसे आणि डिझेल ५६ पैशांनी स्वस्त झाल्याचे जाहीर केले. पण वास्तवात पेट्रोलच्या दरात फक्त एक पैशाचीच कपात झाली आहे. इंडियन ऑइलच्या वेबसाइटवर एका चुकीमुळे तिथे ६० पैशांची कपात दिसत होती. चूक लक्षात येताच कंपनीकडून स्पष्टीकरण देण्यात आले आणि पेट्रोलच्या दरात फक्त एका पैशाचीच कपात केल्याचे जाहीर करण्यात आले आहे. तेल कंपन्यांच्या या प्रकारामुळे देशातील नागरिकांमधून संताप व्यक्त केला जात आहे.

इंडियन ऑइल कॉर्पोरेशनने स्पष्टीकरण देताना म्हटले की, पेट्रोल आणि डिझेलचे दर पोस्ट करताना एक तांत्रिक चूक झाली होती. ती आता दुरूस्त करण्यात आली आहे. आजच्या पेट्रोलियम पदार्थाच्या दरात काही मोठा बदल झालेला नाही.

सध्या दिल्लीत एक लिटर पेट्रोलसाठी ७८.४२ आणि मुंबई ८६.२३ पैसे असा दर आहे. तर डिझेल दिल्लीत ६९.३० रूपये तर मुंबईत ७३.७८ रूपये प्रति लिटर असा दर आहे.

गेल्या १६ दिवसांपासून पेट्रोल आणि डिझेलच्या दरात वाढ होत असल्याने नागरिकांमधून असंतोष व्यक्त केला जात आहे. पेट्रोल-डिझेलचे दर हे आता सर्वसामान्य नागरिकांच्या जीवनाचा अविभाज्य भाग बनला आहे. अशातच याच्या किमतीत सातत्याने होत असलेल्या वाढीमुळे केंद्र सरकारवर रोष व्यक्त केला जात आहे.

सरकार या परिस्थितीशी निपटण्यासाठी लवकरच तोडगा काढणार असल्याचे पेट्रोलियम मंत्री धर्मेंद्र प्रधान यांनी म्हटले होते. पण आता सरकारचे म्हणणे आहे की, पेट्रोल-डिझेलच्या वाढत्या किमतीवर तात्कालिक दिलासा देण्यापेक्षा दीर्घकालीन उपाय शोधण्याचा सरकारचा विचार असल्याचे म्हटले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Petrol price cut but by all of 1 paisa iocl revises prices from earlier cut of 60 paise

ताज्या बातम्या