राष्ट्रपती, पंतप्रधानांच्या रामनवमीनिमित्त शुभेच्छा

नरेंद्र मोदी यांनी सकाळी ट्विट करून रामनवमीनिमित्त सर्वांना शुभेच्छा दिल्या.

राष्ट्रपती प्रणव मुखर्जी आणि पंतप्रधान नरेंद्र मोदी यांनी रामनवमीनिमित्त देशवासियांना शुभेच्छा दिल्या आहेत. आपल्या संपूर्ण आयुष्यात प्रत्येकाने प्रभू राम यांच्याप्रमाणे उच्च नितीमूल्यांचा कायम अंगिकार केला पाहिजे, असे यानिमित्त दिलेल्या संदेशात म्हटले आहे. प्रभू रामचंद्रांनी आखून दिलेल्या मार्गावरून वाटचाल करून विचार, शब्द आणि कृती या तिन्ही मार्गाने आदर्श जीवन जगण्यासाठी प्रयत्न केला पाहिजे, असे प्रणव मुखर्जी यांनी आपल्या संदेशात म्हटले आहे.
नरेंद्र मोदी यांनी सकाळी ट्विट करून रामनवमीनिमित्त सर्वांना शुभेच्छा दिल्या. रामनवमी संपूर्ण देशभरात मोठ्या उत्साहात साजरी करण्यात येते आहे. अयोध्येसह विविध ठिकाणी राम मंदिरात विविध कार्यक्रमांचे आयोजन करण्यात आले आहे. त्याचबरोबर रामनवमीनिमित्त भजन-कीर्तनाचे कार्यक्रमही आयोजित करण्यात आले आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pm president greet nation on ram navami