मेहुल चोक्सीचं अँटिग्वामधून अपहरण करुन छळ; शरीरावर मारहाणीच्या खुणा; वकिलांचा कोर्टात दावा

मेहुल चोक्सीच्या वकिलांची डोमिनिकामधील कोर्टात याचिका

चोक्सीचं अपहरण, अंगावर मारहाणीच्या खुणा; वकिलांचा कोर्टात दावा
संग्रहित (PTI)

भारतातून फरार झालेल्या मेहुल चोक्सीला बेकायदेशीरपणे देशात प्रवेश केल्याप्रकरणी अटक करण्यात आल्यानंतर त्याच्या वकिलांनी डोमिनिकामधील कोर्टात धाव घेतली आहे. मेहुल चोक्सीच्या वकिलांकडून हेबियस कॉर्पस याचिका दाखल करण्यात आली आहे. मेहुल चोक्सीचे वकील विजय अग्रवाल यांनी इंडिया टुडेशी बोलताना वृत्ताला दुजोरा दिला आहे.

याचिकेमध्ये वकिलांनी मेहुल चोक्सीचा छळ करण्यात आला असून त्याच्या शरिरावर जखमा असल्याचा दावा केला आहे. तसंच मेहुल चोक्सीचं अँटिग्वा आणि बारबुडामधून येथून अपहरण करण्यात आलं असाही दावा वकिलांनी केला आहे. एएनआयने दिलेल्या वृत्तानुसार, मेहुल चोक्सीच्या वकिलांना यावेळी कायदेशीर मदतीसाठी असणाऱ्या घटनात्मक हक्कांकडे लक्ष वेधलं आहे.

“डोमिनिकामध्ये आमच्या वकिलाला फक्त दोन मिनिटांसाठी मेहुल चोक्सीला भेटण्याची परवानगी देण्यात आली. यावेळी त्यांनी आपला भयानक अनुभव सांगितला. अँटिग्वा येथील जॉली हार्बर येथून आपलं अपहरण करुन डोमिनिका येथे नेण्यात आल्याचं त्यांनी सांगितलं. अनेक लोक यावेळी उपस्थित होते,” असं विजय अग्रवाल यांनी एएनआयला सांगितलं आहे.

मेहुल चोक्सी अँटिग्वामधूनही फरार?; स्थानिक पोलिसांकडून शोध सुरु

मेहुल चोक्सीचं डोमिनिकामधून थेट भारतात प्रत्यार्पण होऊ शकतं का असं विचारण्यात आलं असता विजय अग्रवाल यांनी भारतीय कायद्याप्रमाणे अँटिग्वा आणि बारबुडाचे नागरिकत्व मिळताच मेहुल चोक्सीने भारतीय नागरिकता रद्द केली असल्याचं त्यांनी सांगितला. इमिग्रेशन आणि पासपोर्ट कायद्याप्रमाणे त्याचं फक्त अँगिग्वामध्येच प्रत्यार्पण केलं जाऊ शकतं असंही त्यांनी सांगितलं.

मेहुल चोक्सी आणि नीरव मोदी पंजाब नॅशनल बँकेला १३ हजार ५०० कोटींचा चुना लावल्यानंतर भारतातून फरार झाले होते. नीरव मोदी सध्या लंडनमधील जेलमध्ये असून भारतात प्रत्यार्पण होऊ नये यासाठी प्रयत्न करत आहे. दरम्यान मेहुल चोक्सीने जानेवारी २०१८ मध्ये भारतातून पळ काढण्याआधी २०१७ मध्ये अँटिग्वा आणि बारबुडा देशांचं नागरिकत्व घेतलं होतं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pnb scam mehul choksi lawyer moves court in dominica alleges abducted from antigua sgy

Next Story
पेट्रोल, डिझेल, एलपीजी दरात पुढील आठवडय़ात वाढ?
ताज्या बातम्या