काँग्रेस नेते थरूर यांच्याकडून प्रशंसा, खेरा यांची टीका

देशातील लसीकरण मोहिमेत देण्यात आलेल्या लसमात्रांची संख्या गुरुवारी १०० कोटींच्या पलीकडे गेली. .

Corona Virus

१०० कोटी लसीकरणाचा विक्रमी टप्पा

१०० कोटी लसमात्रांचा महत्त्वाचा टप्पा गाठल्याचे श्रेय सरकारला द्यायला हवे, असे मत काँग्रेसचे ज्येष्ठ नेते शशी थरूर यांनी गुरुवारी व्यक्त केले. त्यावर तीव्र प्रतिक्रिया व्यक्त करताना, सरकारला याचे श्रेय देणे म्हणजे महासाथीच्या चुकीच्या व्यवस्थापनाचा ज्यांना त्रास झाला अशा लाखो कुटुंबांचा ‘अपमान’ आहे, असे त्यांचे पक्ष सहकारी पवन खेरा म्हणाले.

देशातील लसीकरण मोहिमेत देण्यात आलेल्या लसमात्रांची संख्या गुरुवारी १०० कोटींच्या पलीकडे गेली. त्यावर प्रतिक्रिया देताना ‘हा सर्व भारतीयांसाठी अभिमानाचा विषय आहे. याचे श्रेय सरकारला द्यायला हवे’, असे ट्वीट थरूर यांनी केले. ‘करोना महासाथीच्या दुसऱ्या लाटेतील चुकीच्या व्यवस्थापनानंतर सरकारने आता अंशत: सुधारणा केली आहे. यापूर्वीच्या चुकांसाठी ते उत्तरदायी आहेत’, असे तिरुवनंतपुरमचे खासदार असलेले थरूर म्हणाले.

सरकारला या कामगिरीचे श्रेय देणे म्हणजे, करोनाच्या चुकीच्या व्यवस्थापनाचे दुष्परिणाम ज्यांनी भोगले आहेत व ज्यांना ते अजूनही भोगावे लागत आहेत अशा लाखो कुटुंबांचा अपमान आहे, असे काँग्रेसचे प्रवक्ते असलेले खेरा यांनी थरूर यांचे ट्वीट टॅग करून सांगितले. श्रेय घेण्यापूर्वी पंतप्रधांनांनी त्या कुटुंबांची माफी मागायला हवी, असे ते म्हणाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Praise from congress leader tharoor criticism akp

Next Story
बराक ओबामा यांची रोम्नींवर टीका
ताज्या बातम्या