व्यापाऱ्यांच्या सक्षमीकरणासाठी वचनबद्ध -पंतप्रधान

केंद्रीय मंत्री नितीन गडकरी यांनी किरकोळ व घाऊक विक्री क्षेत्रास लघु, सूक्ष्म व मध्यम उद्योग क्षेत्रात समाविष्ट करण्याची घोषणा केली होती

Indian PM Modi
प्रातिनिधिक फोटो

किरकोळ व घाऊक व्यापाराला मध्यम व लघु उद्योगांचा दर्जा देण्याचा निर्णय महत्त्वाचा असून त्यामुळे व्यापाऱ्यांना या अग्रक्रमाच्या क्षेत्राचे लाभ मिळू शकतील. आमचे सरकार व्यापाऱ्यांचे सक्षमीकरण करण्यास वचनबद्ध आहे, असे  पंतप्रधान नरेंद्र मोदी यांनी म्हटले आहे.

केंद्रीय मंत्री नितीन गडकरी यांनी किरकोळ व घाऊक विक्री क्षेत्रास लघु, सूक्ष्म व मध्यम उद्योग क्षेत्रात समाविष्ट करण्याची घोषणा केली होती, त्यामुळे व्यापाऱ्यांना आता रिझर्व्ह बँकेच्या मार्गदर्शक तत्त्वानुसार अग्रक्रमाने कर्ज मिळू शकणार आहे. पंतप्रधान मोदी यांनी या निर्णयावर केलेल्या ट्वीट  संदेशात म्हटले आहे, की किरकोळ व घाऊक विक्री क्षेत्रास लघु व मध्यम उद्योग क्षेत्रात समाविष्ट करण्याचा निर्णय हा महत्त्वाचा आहे. यातून कोट्यवधी व्यापारी बांधवांचा फायदा होणार आहे. त्यांना वित्त पुरवठा व इतर मदतीत फायदे होतील व त्यांचा उद्योग वाढण्यास मदत मिळेल. व्यापाऱ्यांना आम्ही सक्षम करणार आहोत.

अधिकृत सूत्रांनी  सांगितले, की या निर्णयाचा लगेचच परिणाम होणार असून लघु किरकोळ व्यापारी व घाऊक दुकानदार यांची उलाढाल २५० कोटींपर्यंत जाऊ शकते. आत्मनिर्भर भारत योजनेत विविध योजना लागू करण्यात आल्या आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Prime minister narendra modi status of retail and wholesale trade as medium and small enterprises akp

Next Story
बराक ओबामा यांची रोम्नींवर टीका
ताज्या बातम्या