scorecardresearch

Premium

Wrestler Protest : पदकं विसर्जित करण्यासाठी कुस्तीपटू हरिद्वारमध्ये, गंगातीरी पोहोचताच ओक्साबोक्शी रडू लागले

कुस्तीगीर संघटनेचे अध्यक्ष आणि भाजपा खासदार बृजभूषण शरण सिंह यांच्याविरोधात आंदोलन करणारे कुस्तीपटू पदकं विसर्जित करण्यासाठी हरिद्वारमध्ये दाखल.

Wrestler Protest
कुस्तीपटू गंगेत पदकं विसर्जित करणार (PC : ANI)

कुस्तीगीर संघटनेचे अध्यक्ष आणि भाजपा खासदार बृजभूषण शरण सिंह यांच्याविरोधात धरणे आंदोलन करणाऱ्या कुस्तीपटूंनी त्यांची पदकं गंगेत विसर्जित करण्याची घोषणा केली होती. बजरंग पुनिया, विनेश फोगाट आणि साक्षी मलिक या तिघांनीही सोशल मीडियावर एकसारखेच ट्वीट करत आपली याविषयीची भूमिका मांडली होती. त्यानुसार हे कुस्तीपटू पदकं गंगा नदीत विसर्जित करण्यासाठी हरिद्वार येथे पोहोचले आहेत.

हरिद्वारला पोहोचल्यानंतर माध्यमांशी बोलताना कुस्तीपटू म्हणाले की, हे सरकार त्यांचं ऐकायला तयार नाही. आरोपी खासदारावर कारवाईदेखील करत नाही, असं असेल तर मग देशासाठी जिंकलेल्या या पदकांचा काय उपयोग. ही पदकं गंगेत विसर्जित करण्यासाठी आम्ही आलो आहोत. विनेश फोगाट, बजरंग पुनिया, संगीता फोगट, साक्षी मलिक यांच्यासह अनेक आंदोलक कुस्तीपटू हरिद्वारला पोहोचले आहेत. गंगातिरी पोहोचलेल्या कुस्तीपटूंना यावेळी त्यांचे अश्रू अनावर झाले. कुस्तीपटू येथे ओक्साबोक्शी रडताना दिसले. या कुस्तीपटूंनी बृजभूषण शरण सिंह यांच्यावर लैंगिक शोषणाचे आरोप केले आहेत.

amruta-fadanvis-daughters-day-post
“माझी मुलगीही ‘Awesome’ आहे, कारण…” जागतिक कन्या दिनानिमित्त अमृता फडणवीसांची खास पोस्ट
couple Kulhad Pizza Couple Private MMS Leak
कुल्हड पिझ्झा कपलचा प्रायव्हेट व्हिडीओ लीक? सेहज अरोराने दिलं स्पष्टीकरण, म्हणाला ‘माझी चूक…’
gang rape
संतापजनक: मध्यरात्री घरात घुसून विवाहितेवर गँगरेप; काही तासांतच जोडप्याने उचललं टोकाचं पाऊल
ramdas athawle on eknath shinde
एकनाथ शिंदेंचं मुख्यमंत्रीपद धोक्यात? कुणाची वर्णी लागणार? रामदास आठवले म्हणाले…

या कुस्तीपटूंनी सोशल मीडियावर पोस्ट केल्या आहेत. त्यात त्यांनी म्हटलं आहे की, आम्हाला मिळालेली पदकं आम्ही गंगेत विसर्जित करत आहोत. कारण ती गंगामाई आहे. आम्ही जेवढं पवित्र गंगामाईला मानतो तेवढीच मेहनत आम्ही हे पदकं मिळवण्यासाठी केली होती. आम्हाला आमची पदकं प्राणांहून जास्त प्रिय आहेत पण ती आता गंगेत विसर्जित करण्याशिवाय आमच्याकडे पर्याय उरलेला नाही.

कुस्तीपटूंनी म्हटलं आहे की, २८ मे रोजी आमच्या आंदोलनाबाबत पोलीस ज्या प्रकारे वागले ते सगळ्यांनी पाहिलं आहे. आम्हाला अत्यंत क्रूरपणे अटक करण्यात आली, आमचं आंदोलन चिरडण्याचा प्रयत्न केला गेला. आम्ही शांततेच्या मार्गाने आंदोलन करत होतो. मात्र आमचं आंदोलन उधळून लावण्यात आलं. पोलिसांनी आम्ही जिथे आंदोलन करत होतो ती जागाही आमच्याकडून हिरावून घेतली. पुढचे दोन दिवस आमच्याविरोधात गंभीर स्वरुपाचे गुन्हे दाखल करण्यात आले. महिला कुस्तीपटूंच्या लैंगिक शोषणाला आम्ही वाचा फोडली. जो दोषी आहे त्याविरोधात कारवाईची मागणी केली. आम्हाला न्याय मिळावा अशी मागणी करतो आहोत. मात्र पोलीस आम्हाला गुन्हेगारांसारखं वागवत आहेत. तर ज्याने लैंगिक शोषण केलं आहे ती व्यक्ती मात्र उजळ माथ्याने समाजात वारतेय आणि आमच्यावर टीका करत आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 30-05-2023 at 19:53 IST

संबंधित बातम्या

गणेश उत्सव २०२३ ×